မေ ၇၊ ရိုမေးနီးယား
အသက် ၂၆ နှစ် ရွယ်သာ ရှိသေးသည့် ကင်မရွန်းနှင့် ဒိုင်နမို ဘူခါရက် ကွင်းလယ်လူ ပက်ထရစ် အီခမ်သည် ရုတ်တရက် နှလုံးရောဂါ ခံစားရပြီး ကွင်းအတွင်း လဲကျ သေဆုံးခဲ့သည်။
ရိုမေးနီးယားလိဂ် ပွဲစဉ် တစ်ပွဲဖြစ်သော ဒိုင်နမို ဘူခါရက်နှင့် ဗီတိုယူ အသင်းတို့ ကစားခဲ့သည့် ပွဲစဉ်တွင် ပွဲချိန် မိနစ် ၇၀ ၌ ပက်ထရစ် အီခမ်မှာ ရုတ်တရက် လဲကျ သွားခဲ့ပြီး ဆေးရုံသို့ အရေးပေါ် ပို့ဆောင် ခဲ့ရသည်။
ဆေးရုံသို့ရောက်ရှိပြီး ၂ နာရီ အကြာတွင် ပက်ထရစ်အီခမ်မှာ လူ့လောကကြီးကို နှုတ်ဆက် သွားခဲ့သည်။
ကင်မရွန်းဘောလုံး အဖွဲ့ချုပ်နှင့် အီခမ်၏ အသင်းဟောင်း ကော်ဒိုဘာတို့က အဆိုပါ သတင်းကို တွစ်တာတွင် အတည်ပြုပြီး ၀မ်းနည်းကြောင်း ဆိုခဲ့ ကြသည်။
'အီခမ်ကို ဆုံးရှုံးခဲ့ရမှု အတွက် အလွန်ကို ၀မ်းနည်း မိပါတယ်။ ကျွန်တော်တို့မှာ ဒီအတွက် ပြောစရာ စကားလုံးတောင် မရှိပါဘူး' ဟု ကော်ဒိုဘာအသင်းက ရေးသားခဲ့သည်။
ဒိုင်နမိုဘူခါရက်အသင်းသားများက အီခမ်အတွက် ၀မ်းနည်းခြင်း အထိမ်းအမှတ်များပြုလုပ်ခဲ့ကြသလို ကင်မရွန်းအသင်းသားများကလည်း ၀မ်းနည်းစကားများ ဆိုခဲ့ကြသည်။
၂၀၀၃ ခုနှစ်က ပြင်သစ်နိုင်ငံတွင် ကျင်းပခဲ့သော ကွန်ဖက်ဒရေးရှင်းဖလားပြိုင်ပွဲတွင်လည်း ကိုလံဘီယာအသင်းနှင့်ကစားသော ပွဲစဉ်၌ ကင်မရွန်းကွင်းလယ်ကစားသမား ဗီဗီယန်ဖိုး ကွင်းအတွင်း လဲကျသေဆုံးမှု ဖြစ်ပွားခဲ့သည်။
Ref: BBC
မဇ္ဈိမသတင်း by - အောင်ငြိမ်းသွေး
Originally published at - http://mizzimaburmese.com/article/13920
No comments:
Post a Comment