 |
၂၀၁၄ အာရှ သဲသောင်ပြင် ပြိုင်ပွဲတွင် မြန်မာ့လက်ရွေးစင်အသင်း ၀င်ရောက် ယှဉ်ပြိုင်နေစဉ် (ဓါတ်ပုံ getty images) |
မေ ၆ ၊ ရန်ကုန်
၂၀၁၆ အာဆီယံ သဲသောင်ပြင် ဘောလုံး ပြိုင်ပွဲ ၀င်ရောက် ယှဉ်ပြိုင်ရန် အတွက် မြန်မာ့ လက်ရွေးစင် ဘောလုံး အသင်း အသစ် ပြန်လည် ဖွဲ့စည်း သွားမည် ဟု မြန်မာနိုင်ငံ ဘောလုံး အဖွဲ့ချုပ် ဖူဆယ်နှင့် သဲသောင်ပြင် ကော်မတီ ဥက္ကဌ ဦးကြည်မင်းသိန်းက ပြောသည်။
မြန်မာ့လက်ရွေးစင် သဲသောင်ပြင်ဘောလုံးအသင်းအသစ်ဖွဲ့စည်းရန်အတွက် လာမည့် မေလ ၁၇၊ ၁၈၊ ၁၉ ရက်များတွင် ရန်ကုန်မြို့ သုဝဏ္ဏ သဲသောင်ပြင် ဘောလုံး အားကစား ကွင်းတွင် ပြုလုပ် သွားမည်ဖြစ်ပြီး စိတ်ဝင်စားသူ မည်သူမဆို ၀င်ရောက်ရွေးချယ်ခွင့်ပြုမည် ဖြစ်သည်။
“ အာဆီယံသဲသောင်ပြင် ပြိုင်ပွဲဝင်ဖို့အတွက် ကျွန်တော်တို့ လက်ရွေးစင်အသင်းကို အသစ်ဖွဲ့စည်းသွားမှာပါ။ ဒီလာမယ့် မေ ၁၇၊ ၁၈၊ ၁၉ သုံးရက်ဆက်တိုက် လူရွေးပွဲကျင်းပမှာပါ။ မနှစ်က လုပ်တဲ့ပုံစံပါပဲ။ စိတ်ဝင်စားတဲ့လူတိုင်း လာပြိုင်ခွင့်ရှိပါတယ်။ အဲ့ထဲကနေမှ လူရွေးချယ်ရေးအဖွဲ့တွေနဲ့ ပေါင်းပြီး ပဏာမ အရင်ရွေးသွားမှာပါ။ အနည်းဆုံး ၂၅ ဦး ၀န်းကျင်လောက်တော့ ရွေးမှာပါ။ နည်းပြကတော့ မနှစ်က ပြည်တွင်းနည်းပြတွေပဲ ဖြစ်ဖို့ များပါတယ်။ အာဆီယံပြိုင်ပွဲက သြဂုတ်လထဲမှာ ဗီယက်နမ်မှာ သွားပြိုင်ရမှာပါ ” ဟု ဦးကြည်မင်းသိန်းက ဖူဆယ်လက်ရွေးစင်အသင်း၏ အစီအစဉ်နှင့် ပတ်သက်၍ ပြောသည်။
၂၀၁၆ အာဆီယံ သဲသောင်ပြင်ချန်ပီယံရှစ် ပြိုင်ပွဲသည် သြဂုတ် ၅ ရက်နေ့မှ ၁၃ ရက်နေ့အထိ ဗီယက်နမ် နိုင်ငံ ဒါနန်းမြို့တွင် ကျင်းပသွားမည်ဖြစ်ပြီး အိမ်ရှင် ဗီယက်နမ်နှင့် အတူ မြန်မာ၊ ထိုင်း၊ လာအို၊ မလေးရှား၊ တီမောနှင့် ပြိုင်ပွဲအဓိက စပွန်ဆာ FELDA အသင်းများ ပါဝင်ယှဉ်ပြိုင်ကြမည်ဖြစ်သည်။
မြန်မာ့လက်ရွေးစင်သဲသောင်ပြင်လက်ရွေးစင်အသင်းသည် ၂၀၁၄ ခုနှစ်က မလေးရှားနိုင်ငံတွင် ကျင်းပပြုလုပ်ခဲ့သည့် အာရှသဲသောင်ပြင်ပြိုင်ပွဲတွင် ၀င်ရောက်ယှဉ်ပြိုင် ခဲ့သော်လည်း အောင်မြင်မှု မရရှိပဲ အုပ်စု အဆင့်ဖြင့်သာ ကျေနပ် ခဲ့ရသည်။
မဇ္ဈိမသတင်း by - ရွှေဘုတ်
Originally published at - http://mizzimaburmese.com/article/13907
No comments:
Post a Comment