ချန်ပီယံလိဂ် အုပ်စု အီး ပွဲစဉ်အဖြစ် ဂျာမနီ ဘွန်ဒစ်လီဂါက ဘေယာလေဗာကူဆင်နဲ့ အီတလီ စီးရီးအေက ရိုးမားအသင်းတို့ ပွဲစဉ်မှာတော့ ၄ ဂိုးစီ သရေကျသွားပါတယ်။
အောက်တိုဘာ ၂၀ ရက်က ကစားခဲ့တဲ့ ချန်ပီယံလိဂ် ပွဲစဉ်တွေထဲမှာ ဂိုးအများဆုံးသွင်းတဲ့ ပွဲတပွဲ ဖြစ်ခဲ့ပါတယ်။
ဒီပွဲမှာ အိမ်ရှင် လေဗာကူဆင်အတွက် ပထမပိုင်း ၄ မိနစ်မှာ ပင်နယ်တီကနေတဆင့် ဟာနန်ဒက်ဇ်က ဦးဆောင်ဂိုး သွင်းယူခဲ့ပြီး ပွဲချိန် ၁၉ မိနစ်မှာ ဟာနန်ဒက်ဇ်ကပဲ ဒုတိယဂိုး သွင်းယူခဲ့တာပါ။
ပထမပိုင်း ၂၉ မိနစ်နဲ့ ၃၈ မိနစ်မှာ ရိုးမားအသင်းက ဒီရော့ဆီ ချေပဂိုး ပြန်သွင်းခဲ့တဲ့အတွက် ပထမပိုင်းမှာ ၂ ဂိုးစီ သရေကျခဲ့ပါတယ်။
ဒီနောက် ဒုတိယပိုင်း ၅၄ မိနစ်နဲ့ ၇၃ မိနစ်မှာ ရိုးမားအသင်းက ၂ ဂိုး ထပ်မံသွင်းယူပြီး ၄ ဂိုး ၂ ဂိုးနဲ့ ပွဲကို ဦးဆောင်ခဲ့ပါတယ်။
ဒါပေမယ့် ပွဲကို ကြာကြာမထိန်းနိုင်ခဲ့ဘဲ ၈၄ မိနစ်နဲ့ ၈၆ မိနစ်မှာ လေဗာကူဆင်က ချေပဂိုး ၂ ဂိုး ပြန်သွင်းယူသွားလို့ ၄ ဂိုးစီသရေ ဖြစ်ခဲ့ရပါတယ်။
ဒီအုပ်စုမှာ လေဗာကူဆင်က ၃ ပွဲကစား ၄ မှတ်နဲ့ အုပ်စု ဒုတိယ၊ ရိုးမားကတော့ ၃ ပွဲကစား ၂ မှတ်နဲ့ အုပ်စု စတုတ္ထနေရာက ရပ်တည်နေပါတယ်။
By ဒီဗွီဘီ
Original link - http://burmese.dvb.no/archives/117576
| ဒီပို့စ်လေးကို နှစ်သက်တယ်ဆိုရင် | လုပ်နိုင်ပါတယ်။ |
No comments:
Post a Comment