ဆွီဒင် တိုက်စစ်မှူး အီဗရာဟီ မိုဗစ်ဟာ မန်ချက်စတာ ယူနိုက်တက် အသင်းကို ပြောင်းရွှေ့ဖို့ အတွက် နီးစပ် နေပါတယ်။
အသက် ၃၄ နှစ် အရွယ် တိုက်စစ်မှူးရဲ့ မန်ယူကို ပြောင်းရွှေ့ရေးဟာ ဒီတပတ် အကုန်မှာ ဖြစ်လာဖို့ ရှိတယ်လို့ ဗြိတိသျှ မီဒီယာတွေမှာ ဖော်ပြ နေပါတယ်။
ပြင်သစ် ကလပ် ပီအက်စ်ဂျီ အသင်းကို စွန့်ခွာ လာတဲ့ အီဗရာဟီ မိုဗစ်ဟာ မန်ယူ အသင်းနဲ့ ၁ နှစ် စာချုပ် ချုပ်ဆိုဖို့ ရှိနေ ပါတယ်။
အကယ်၍ စာချုပ် ချုပ်ဆိုဖြစ်ခဲ့ရင် မန်ယူနည်းပြသစ် မော်ရင်ဟိုလက်ထက် ဒုတိယမြောက် ခေါ်ယူတဲ့ ကစားသမား ဖြစ်လာမှာပါ။
မန်ယူဟာ ဒေ့ါမွန်ကလပ် ကွင်းလယ်ကစားသမားဖြစ်တဲ့ မစ်ခီတာရန်ကိုလည်း ခေါ်ယူဖို့ ကမ်းလှမ်းထားပါတယ်။
မန်ယူကခေါ်ယူမယ့် တိုက်စစ်မှူး အီဗရာဟီမိုဗစ်ဟာ ပြီးခဲ့တဲ့ရာသီက ပီအက်စ်ဂျီအတွက် ၃၈ ဂိုး သွင်းပေးထားပါတယ်။
ဓာတ်ပုံ - ရိုက်တာ
by ဒီဗွီဘီ
Originally published at - http://burmese.dvb.no/archives/157018
No comments:
Post a Comment