ချဲလ်ဆီး တိုက်စစ်မှူး ဒီယေဂို ကော်စတာဟာ လာမယ့် နွေရာသီ အပြောင်းအရွှေ့မှာ အသင်းဟောင်း အက်သလက် တီကို မက်ဒရစ် အသင်းကို ပြန်လည် ပြောင်းရွှေ့လိုပြီး ပြောင်းရွှေ့ ဖို့လည်း နီးစပ်နေပြီလို့ ထုတ်ဖော်ပြောကြား ခဲ့ပါတယ်။
ဒီယေဂိုကော်စတာဟာ ချဲလ်ဆီးအသင်းမှာ ခြေစွမ်းပြကစားပြီး ဂိုးတွေ သွင်းယူပေးထားနိုင်ပေမယ့်လည်း အက်သလက်တီကို အသင်းကိုပဲ ပြန်လည်ပြောင်းရွှေ့လိုနေတာ ဖြစ်ပါတယ်။
သူ့အနေနဲ့ မိသားစုက စပိန်မှာ ရှိနေတဲ့အတွက် ပြောင်းရွှေ့လိုနေတာ ဖြစ်ပါတယ်။
ပြောင်းရွှေ့လိုတဲ့သတင်းတွေ ထွက်ပေါ်လာတဲ့ အချိန်မှာတော့ သူက ချဲလ်ဆီးအသင်း ပရိသတ်တွေဟာ အပြည့်အဝ အားပေးကြတဲ့အတွက် ပျော်ရွှင်မိပြီး အသင်းမှာနေရတာလည်း ပျော်တယ်လို့ ပြောပါသေးတယ်။
ဒါပေမယ့်လည်း မိသားစုအရေးကြောင့် ပြောင်းရွှေ့လိုနေတာ ဖြစ်ပါတယ်လို့ ရှင်းပြခဲ့ပါတယ်။
နောက်ပြီးတော့ အခုဘောလုံးရာသီ မစတင်ခင်ကတည်းက သူ့ရဲ့ ဆိုးသွမ်းတဲ့ အမူအကျင့်တွေကို ပြင်ဖို့ ကြိုးစားခဲ့တယ်လို့ ဝန်ခံပြောကြားခဲ့ပါတယ်။
ဓာတ်ပုံ - ရိုက်တာ
From : ဒီဗွီဘီ
Originally published at - http://burmese.dvb.no/archives/182326
No comments:
Post a Comment