ခရစ္စတယ် ပဲလေစ့် အသင်းနဲ့ ပွဲစဉ်မှာ အာဆင်နယ် အသင်း တိုက်စစ်မှူး ဂျရူး သွင်းယူ ခဲ့တဲ့ စကော်ပီယံ ဂိုးဟာ တကြိမ် တခါမှ မမြင်ဘူး သေးတဲ့ အကောင်းဆုံးဂိုး တဂိုးဖြစ်တယ်လို့ မန်ယူ နောက်ခံ လူဟောင်း ဂယ်ရီနဗီးလ်က ချီးကျူး ပြောဆို လိုက်ပါတယ်။
ဒါပေမယ့်လည်း သူ ဒီလိုဂိုး သွင်းနိုင်ဖို့ ကံကောင်းမှု ကလည်း လိုပါသေး တယ်လို့ ဆိုပါတယ်။
သွင်းဂိုးနဲ့ပတ်သက်လို့ ဂျရူးကတော့ “ပထမဆုံး ဆန်းချက်ဇ်က ကျနော့် နောက်ကျောကနေ ဘောလုံးပေးပါတယ်။ အဲ့ဒီအချိန်မှာ နောက်ခြေထောက်ကိုမြှောက်ပြီး သွင်းယူခဲ့တာပါ။ ကံကောင်းလွန်းလို့လည်း ဖြစ်ပါတယ်” လို့ ပွဲအပြီးမှာ ဝန်ခံပြောကြားခဲ့ပါတယ်။
အဲဒီဂိုးနဲ့ပတ်သက်လို့ အာဆင်နယ်နည်းပြ အာစင်ဝင်းဂါး အပါအဝင် တကမ္ဘာလုံးက ချီးကျူးခဲ့ကြပြီး လွန်ခဲ့တဲ့ ရက်သတ္တပတ်က မန်ယူကစားသမား မီခီတာရန် သွင်းယူခဲ့တဲ့ စကော်ပီယံဂိုးနဲ့ နှိုင်းယှဉ်ခဲ့ကြပါတယ်။
ဒါပေမယ့် ပရိသတ်အများစုကတော့ ဂျရူးရဲ့ဂိုးကို ပိုမိုချီးကျူးခဲ့ကြပါတယ်။
ဓာတ်ပုံ - Getty Images
From : ဒီဗွီဘီ
Originally published at - http://burmese.dvb.no/archives/182308
No comments:
Post a Comment