နိုဝင်ဘာ ၄၊ ဘာမင်ဂမ် ။။ နွေရာသီ အပြောင်းအရွှေ့ကာလ အတွင်း ပြင်သစ်လိဂ်-၁ မှကစားသမား လေးဦးကို အက်စတွန် ဗီလာ အသင်းခေါ်ယူ ခဲ့သော်လည်း အသင်းတွင်း ပြင်သစ် စကားပြောခြင်းကို နည်းပြသစ် ရီမီဂါဒီက ပိတ်ပင် လိုက်သည်။
အမာဗီ၊ အယူး၊ ဗာရီတော့နှင့် ဂူရီတို့သည် နွေရာသီအပြောင်းအရွှေ့ကာလအတွင်း ပြင်သစ်မှရောက်လာကြသူများဖြစ်သည်။ ပြင်သစ်လူမျိုး နည်းပြ ဂါဒီသည်လည်း ရာထူးမှထုတ်ပယ်ခံရသော တင်ရှားဝုဒ်နေရာ၌ သုံးနှစ်ခွဲစာချုပ်ဖြင့် တနင်္လာနေ့တွင် ခန့်အပ်ခံရသူဖြစ်သည်။
"အင်္ဂလိပ်စကားကို သူတို့မြန်မြန်သင်ရမယ်။ အဝတ်လဲခန်းထဲမှာ ဘယ်သူမှပြင်သစ်စကားပြောတာ မလိုချင်ဘူး"ဟု ဂါဒီက ပြောသည်။ ဂတ်စတက်ဒီနှင့် အန်ဇော့ဘီယာ တို့သည် ပြင်သစ်တွင် မွေးဖွားခဲ့ သူများဖြစ်ပြီး ဆန်းဒရို့စ်နှင့် ကားလို့စ်ဆန်းချက်ဇ်တို့သည်လည်း ပြင်သစ် စကားပြောနေကြသည်။
"တစ်ယောက်နဲ့ တစ်ယောက်နားလည်ဖို့ သိပ်အရေး ကြီးပါတယ်။ အင်္ဂလိပ်ကစား သမားတွေကလည်း အစပိုင်းမှာနားလည်အောင် ဖြည်းဖြည်း ပြောကြဖို့ လိုပါတယ်။ လူတိုင်းအားစိုက်ရမယ်"ဟု ဂါဒီကပြောသည်။
Ref; bbc
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/6933
| ဒီပို့စ်လေးကို နှစ်သက်တယ်ဆိုရင် | လုပ်နိုင်ပါတယ်။ |
No comments:
Post a Comment