သင်မသိသေးတဲ့ မန်ယူနဲ့ အင်္ဂလန် တိုက်စစ်မှူး ၀ိန်းရွန်နီ၏ အကြောင်းအရာများ

မန်ယူ တိုက်စစ်မှူး ၀ိန်းရွန်နီရဲ့ လူတွေ သိပ်မသိ သေးတဲ့ အကြောင်း အရာတွေကို ဖော်ပြပေး လိုက်ပါတယ်။

အကြောင်း အရာတွေက တစ်ချို့သိပြီးသား ဖြစ်ပေမယ့် တစ်ချို့က မသိသေး တာတွေလည်း ပါဝင် ပါတယ်။ အဓိက ကတော့ ဒီအကြောင်း တွေကို မသိသေးတဲ့ ပရိသတ်တွေနဲ့ ရွန်နီရဲ့ ပရိသတ်တွေ အတွက် ရည်ရွယ်ပြီး ဖော်ပြတာ ဖြစ်ပါတယ်။ နှစ်သက် လိမ့်မယ်လို့လည်း မျှော်လင့်ပါတယ်။

၁။ ရွန်နီဟာ ငယ်ငယ်က ကျောင်းနှစ်ရက်နားခဲ့ရဖူးပါတယ်။ အကြောင်းကတော့ သူ့ရဲ့ဘောလုံးကို သိမ်းသွားတာကြောင့် စိတ်ဆိုးပြီး ကျောင်းသိပ္ပံခန်းထဲက ပစ္စည်းတွေကို ကန်ကျောက်ခဲ့လို့ပါပဲ။

၂။ အဲဗာတန် ယူ-၁၁ အသင်းမှာ ကစားနေစဉ်တုန်းက ရွန်နီဟာ ပွဲ ၃၀ မှာ ၁၁၄ ဂိုးအထိသွင်းခဲ့ဖူးပါတယ်။

၃။ ရွန်နီရဲ့ ညာဘက်မျက်လုံးက ငယ်ငယ်ကတည်းက အားနည်း ခဲ့ပါတယ်။ သူ့ကို သူ့ရဲ့ ညာဘက်မျက်လုံးက အမြင် မှားအောင် အမြဲ အရူး လုပ်ပါတယ်။ သူဟာ ကားမောင်းဖို့နဲ့ စာဖတ်ဖို့ အတွက် မျက်မှန် အကူအညီ ယူရပါတယ်။ အဲ့ဒီ အလုပ်တွေကို မျက်မှန်မတပ် ဘဲနဲ့လည်း ကြိုးကြိုးစားစား လုပ်လေ့ရှိပါတယ်။

၎။ ရွန်နီဟာ သူ့ရဲ့ မိဘတွေရဲ့အိပ်ယာမှာ အသက် ငါးနှစ်အရွယ် အထိ အိပ်ခဲ့ပါတယ်။ ဘာကြောင့်လဲ ဆိုတော့ အ၀ါရောင်နဲ့ အစိမ်းရောင်ရှိတဲ့ ၀ိညာဉ်တွေကို မြင်ယောင်နေလို့ပါ။

၅။ ရွန်နီဟာ ပညာရေးပိုင်းမှာ ထူးချွန်သူ မဟုတ်ပါဘူး။ ဒါပေမဲ့ ဘာသာရေး ပိုင်းမှာတော့ ထူးချွန်တယ်လို့ ပြောရမှာပါ။ ရွန်နီရဲ့ ယေရှု အကြောင်းရေးသားမှုက အတော်လေးပြည့်စုံတယ်လို့ ချီးကျူး ခံရပေမယ့် စပိန်ဘာသာနဲ့ ပထ၀ီဝင် ဘာသာတွေမှာတော့ ရမှတ် တစ်မှတ်တောင် မရခဲ့ပါဘူး။

၆။ ရွန်နီဟာ သူ့ရဲ့ အေးဂျင့်ကို အသက် ၁၄ နှစ် အရွယ်ကတည်းက ရရှိခဲ့ သူဖြစ်ပါတယ်။ အေးဂျင့် ပီတာမက်လန်တော့ရ်ှက ရွန်နီကို Umbro ကုမ္ပဏီ ကနေ ဂျာစီစပွန်ဆာ ရအောင် ပြုလုပ်ပေး ခဲ့ပြီး တစ်နှစ်ကို ပေါင် နှစ်ထောင် ရရှိခဲ့ ပါတယ်။

၇။ ၁၉၉၄ ခုနှစ်က အဲဗာတန်ရဲ့ တိုက်စစ်မှူးကြီး ဒန်ကန်ဖာဂူဆန် အဖမ်းခံ ရချိန်မှာ ရွန်နီက အသက် ကိုးနှစ် အရွယ်ပဲ ရှိပါသေးတယ်။ အဲ့ဒီ အချိန်မှာ ရွန်နီက ဖာဂူဆန်ကို ဖမ်းဆီးတာဟာ တရားမျှတမှု မရှိကြောင်း နှစ်ကြိမ်တိုင် ရေးသားခဲ့ပြီး ဖာဂူဆန်က ရွန်နီကို ကျေးဇူး တင်ကြောင်း ပြန်လည်ရေးသား ခဲ့ပါတယ်။

၈။ ရွန်နီက သူကွင်းထဲမှာ ဘောလုံး ကစားနေချိန်မှာ အသင်းဖော်တွေ ဘယ်သူက ဘယ်နားမှာ ရှိတယ်ဆိုတာကို တစ်ခေါက်ကြည့်လိုက် ပြီးတာနဲ့ ဘောလုံး မပေးခင်မှာ ထပ်ကြည့် စရာမလိုတော့ဘူးလို့ ဆိုပါတယ်။ ဘယ်သူက ဘယ်နေရာ ရောက်နေပြီဆိုတာ သူ့ရဲ့ ပင်ကိုယ်စိတ်က အလိုလို သိပြီးသားလို့ ဆိုပါတယ်။

၉။ ရွန်နီအမြဲ စီးနေကျ အသေးစား မော်တော်ဆိုင်ကယ်လေး တစ်ဦး ရှိပါတယ်။ အဲ့ဒီဆိုင်ကယ်လေးက ဂီယာသုံးခုပါပြီး ကလပ် မပါပါဘူး။ အဲ့ဒီဆိုင်ကယ်မှာ လိုင်စင် မရှိတာကြောင့် ရွန်နီဟာ ရဲတွေ ရှင်းတဲ့ အထိစောင့်ပြီးမှ သွားလာ ရလေ့ ရှိပါတယ်။

၁၀။ အဲဗာတန်မှာ ကစားနေစဉ်တုန်းက ရွန်နီဟာ နည်းပြ ဒေးဗစ်မိုယက်စ် ရေအိမ်ဝင်နေတုန်း ခေါင်းပေါ်ကနေ ရေခဲရေနဲ့ လောင်းချ ခဲ့ဖူးပါတယ်။ ဒါပေမဲ့ ဒါဘယ်သူ လုပ်တယ်ဆိုတာကို မိုယက်စ် ဘယ်တုန်းကမှ မသိခဲ့ပါဘူး။

၁၁။ ရွန်နီဟာ သူ့ရဲ့ပရော်ဖက်ရှင်နယ် ကစားသမား ဘ၀မှာ ဂိုးပေါင်း ၂၅၀ ကျော် သွင်းယူ ခဲ့ပြီးဖြစ်ပေမယ့် အဲဗာတန် အသင်းမှာ ပထမဆုံး ပွဲထွက်ခဲ့တဲ့ ပွဲစဉ်တုန်းက အဲဗာတန် ပရိသတ်တွေရဲ့ လှောင်ပြောင် ခြင်းကို ခံခဲ့ ရပါတယ်။

၁၂။ အသက် ၁၇ နှစ် အရွယ်မှာ အဲဗာတန်အသင်းမှာ ပထမဆုံး ပွဲချိန်ပြည့် ကစားခွင့် ရနေပြီဖြစ်ပြီး အဲ့ဒီအချိန်က တစ်ပတ်ကို ၇၅ ပေါင်သာ ရရှိခဲ့ပါတယ်။ ၁၇ နှစ်မှာပဲ စာချုပ်သစ် ချုပ်ဆိုခဲ့ပြီး ချက်ချင်းဆို သလို တစ်ပတ် ပေါင် ၈၀၀၀ ရရှိခဲ့ ပါတယ်။

၁၃။ ရွန်နီဟာ စာအုပ် ဖတ်ရတာကို အလွန်နှစ်သက်သူ တစ်ဦးဖြစ်ပါတယ်။ သူအနှစ်သက်ဆုံး စာအုပ်တွေထဲမှာ ဟယ်ရီပေါ်တာ ဇာတ်လမ်းတွဲ စာအုပ်တွေက ထိပ်ဆုံးက ပါဝင်ပါတယ်။

၁၄။ ရွန်နီဟာ ဂီတ နားထောင် ရာမှာတော့ Rap သီချင်း အမျိုးအစား တွေကို နှစ်သက်သူ ဖြစ်ပါတယ်။ ပွဲမကစားမှီမှာ သူနားထောင်လေ့ရှိတဲ့ သီချင်းတွေက 50 Cent and Eminem တို့ရဲ့ သီချင်းတွေ ဖြစ်ပါတယ်။

၁၅။ ရွန်နီဟာ လက်ဝှေ့ ၀ါသနာအိုး တစ်ဦးလည်း ဖြစ်ပါတယ်။ ငယ်ငယ်ကလည်း လက်ဝှေ့ လေ့ကျင့်ခန်း တွေကို ပြုလုပ်ခဲ့ ဖူးသူပါ။ မန်စီးတီး ပရိသတ် လက်ဝှေ့ကျော် ရစ်ကီဟက်တန်နဲ့ အတူ လက်ဝှေ့စင်ပေါ် အထိ တက်ရောက်ခဲ့ ဖူးသူ ဖြစ်သလို မကြာသေးမှီ ကာလကလည်း WWE နပန်းပွဲကို သွားရောက် ကြည့်ရှုခဲ့ကာ နပန်းသမား ၀ိတ်ဘာရက်ကို ပါးရိုက် ခဲ့တဲ့ အဖြစ်အပျက် မျိုးတွေတောင် ဖြစ်ပျက် ခဲ့ပါသေးတယ်။

၁၆။ အင်္ဂလန် အသင်းမှာ ရွန်နီ ပထမဆုံး ရွေးချယ် ခံရတာက ၂၀၀၃ ခုနှစ် ဖေဖော်ဝါရီလ ကပါ။ အသင်းရဲ့ ပထမဆုံး တွေ့ဆုံစည်းဝေးပွဲ ကျင်းပချိန်မှာ ရွန်နီဟာ ဟိုတယ်ခန်း အတွင်းအိပ်ပျော်နေ ခဲ့ပါတယ်။ ဒါကြောင့် ဧည့်ကြို ဌာနကနေ သော့ အပိုယူပြီး ဖွင့်ကာ ရွန်နီကို နိုးခဲ့ ရပါတယ်။

၁၇။ ၂၀၀၃ ခုနှစ်၊ စက်တင်ဘာ လတုန်းက ကစားခဲ့တဲ့ မက်ဆီဒိုးနီးယားနဲ့ ပွဲမှာ ရွန်နီဟာ အင်္ဂလန် အတွက် ပထမဆုံး ဂိုးကို သွင်းယူနိုင် ခဲ့ပါတယ်။ ပွဲအပြီးမှာ တစ်သင်းလုံးက အဲ့ဒီဘောလုံးပေါ်မှာ လက်မှတ် ထိုးခဲ့ ပါတယ်။ ဂျရတ်က 'ကောင်းတယ်။ ရုပ်ဆိုးတဲ့ ကောင်လေး' ဆိုပြီး ရေးပေး ခဲ့ပါတယ်။

အခုအချိန်မှာတော့ ရွန်နီဟာ အင်္ဂလန်အသင်းရဲ့ ဂိုးသွင်း အများဆုံး ကစားသမားအဖြစ် ရပ်တည်နေပြီဖြစ်ပါတယ်။

၁၈။ ပရီးမီးယားလိဂ်မှာ ပွဲ ၃၀ ဆက်တိုက် ရှုံးပွဲမရှိတဲ့ အာဆင်နယ် အသင်းကို အနိုင်ဂိုး သွင်းခဲ့တဲ့ အချိန်က ရွန်နီဟာ ၁၆ နှစ်သား အရွယ်ပဲ ရှိပါသေးတယ်။ အဲဒီဂိုးကို သွင်းယူပြီး တဲ့နောက်မှာ အဲဗာတန် တိုက်စစ်မှူးလေးဟာ ပွဲစဉ်နောက်တစ်ပွဲကို သွားကစား ပါသေးတယ်။ အဲ့ဒီပွဲကတော့ ကောလင်းတို့ရဲ့ အိမ်ရှေ့မှာ ကစားတဲ့ သူ့သူငယ်ချင်းတွေနဲ့ ပွဲ ဖြစ်ပါတယ်။

၁၉။ ရွန်နီဟာ မန်ယူကို မရောက်ခင် နယူးကာဆယ်ကို ရောက်ဖို့ နီးစပ်ခဲ့ ပါသေးတယ်။ နယူးကာဆယ် နည်းပြ ဘော်ဘီရော့ဆင်ကလည်း ရွန်နီဟာ ရှီးယားရားလို အင်္ဂလန်ရဲ့ ထိပ်တန်း တိုက်စစ်မှူး ဖြစ်လာမယ် ဆိုတာကို သိခဲ့ပါတယ်။

ဒါကြောင့် ပေါင် သန်း ၂၀ နဲ့ ကမ်းလှမ်း ခဲ့ပါတယ်။ ဒါကို အဲဗာတန်အသင်းကို ပယ်ချခဲ့လို့ အပြောင်းအရွှေ့မဖြစ်ခဲ့ပါဘူး။ ဒါပေမဲ့ နောက်နှစ်ပတ် အကြာမှာတော့ မန်ယူက ရွန်နီကို ပေါင် ၂၇ သန်းနဲ့ ၀ယ်ယူ သွားခဲ့ပါတယ်။

၂၀။ ရွန်နီဟာ မန်ယူ အသင်းနဲ့ ပထမဆုံး ဆုဖလားကို ၂၀၀၆ ခုနှစ်မှာ ရရှိ ခဲ့တာဖြစ်ပြီး လိဂ်ဖလား ဗိုလ်လုပွဲမှာ ၀ီဂန်ကို အနိုင်ရကာ ရရှိခဲ့ခြင်းဖြစ်ပါတယ်။ အဲ့ဒီပွဲမှာ ရွန်နီက အကောင်းဆုံး ဘောလုံးသမားဆုကို ရရှိခဲ့ပါတယ်။

၂၁။ မန်ယူကို ပထမဆုံး ရောက်ရှိချိန်က ကျောနံပါတ် ၈ ကို ၀တ်ဆင်ခဲ့တဲ့ ရွန်နီဟာ ၂၀၀၇ ခုနှစ် ဇွန်လမှာတော့ ကျောနံပါတ် ၁၀ ကို ပထမဆုံး ပြောင်းလဲ ၀တ်ဆင် ခဲ့ပါတယ်။ ၂၀၁၀-၁၁ ရာသီမှာ ရွန်နီရဲ့ နာမည်နဲ့ ကျောနံပါတ် ၁၀ ဂျာစီက ဈေးကွက်မှာ ရောင်းအား အကောင်းဆုံးနဲ့ ၀ယ်လိုအား အများဆုံးဖြစ် ခဲ့ပါတယ်။

၂၂။ ဒီရာသီ မစတင်ခင်က ပြုလုပ် ထားတဲ့ စာရင်း အရ ရွန်နီဟာ ပွဲပေါင်း ၅၅၆ ပွဲ ကစားခဲ့ရာမှာ အနီကတ် ခြောက်ကတ်နဲ့ အ၀ါကတ် ၁၁၃ ကတ် ပြသ ခံခဲ့ရ ပါတယ်။

နောက်ဆုံး အနေနဲ့ ရွန်နီရဲ့ မိသားစု အကြောင်းကို နည်းနည်း ဖော်ပြပေး ချင်ပါတယ်။ ရွန်နီနဲ့ ကောလင်းတို့ဟာ ငယ်ရွယ်စဉ် ကျောင်းနေ အရွယ် ကတည်းက စတင်တွေ့ဆုံ ခဲ့ကြသူတွေ ဖြစ်ပါတယ်။

ရွန်နီဟာ ငယ်ငယ်က စိတ်မြန်၊ လူမြန်ဖြစ်လို့ ကောလင်းကို ဖွင့်ပြောတော့လည်း တိုတို တုတ်တုတ်နဲ့ ပွင့်ပွင့် လင်းလင်းပြော ခဲ့သလို၊ လက်ထပ်ဖို့ ကိုလည်း ခပ်မြန်မြန်ပဲ ပြောဆို ခဲ့ပါတယ်။

သူတို့နှစ်ဦး ရွန်နီရဲ့ အသက် ၁၇ နှစ် အရွယ်မှာ စတင် ချစ်ကြိုက်ခဲ့ပြီး ခြောက်နှစ် အကြာမှာ လက်ထပ် ခဲ့ကြပါတယ်။ အခုအချိန်မှာတော့ ရွန်နီနဲ့ ကောလင်းတို့ဟာ ကိုင်ဝိန်းနဲ့ ကလေး အန်တိုနီဆိုတဲ့ သားနှစ်ဦးကို မွေးဖွား ထားခဲ့ပြီဖြစ်ပြီး သာယာတဲ့ မိသားစု ဘ၀တစ်ခုကို ပိုင်ဆိုင်နေပြီ ဖြစ်ပါတယ်။

ကိုငြိမ်းမောင်

မဇ္ဈိမသတင်း by mizzima

Originally published at - http://mizzimaburmese.com/article/8887