မေ ၁၂၊ အီတလီ
စီးရီးအေ ချန်ပီယံ ဂျူဗင်တပ်စ် အသင်းသည် ၀ါရင့် ဂိုးသမားကြီး ဘတ်ဖွန်ကို ၂၀၁၈ ခုနှစ် အထိ စာချုပ် သက်တမ်းတိုး ချုပ်ဆို လိုက်ပြီ ဖြစ်သည်။
အသက် ၃၈ နှစ် အရွယ်ရှိ ဘတ်ဖွန်သည် ၂၀၀၁ ခုနှစ် ကတည်းက ဂျူဗင်တပ်စ် အသင်းသို့ ရောက်ရှိ နေသူဖြစ်ပြီး တူရင်ကလပ် အသင်းကို ငါးနှစ် ဆက်တိုက် စီးရီးအေ ချန်ပီယံ ဖြစ်အောင် အဓိက နေရာမှ ကူညီပေး ခဲ့သူ ဖြစ်သည်။
'ဂျူဗင်တပ်စ်အသင်းနဲ့ ကျွန်တော့်ရဲ့ အံ့အားသင့်ဖွယ်ရာကောင်းတဲ့ ပုံပြင်က အောင်မြင်မှုတွေနဲ့ ရှေ့ဆက်နေဦးမှာပါ' ဟု ဘတ်ဖွန်က ပြောသည်။ စာချုပ်သစ်အရ ဘတ်ဖွန်သည် ဂျူဗင်တပ်စ်အသင်းတွင် ၁၇ ရာသီ ကစားရမည် ဖြစ်သည်။
ဂျူဗင်တပ်စ်အသင်း၏ သစ္စာရှိမှုအတွက် အတိုင်းထက်အလွန် ဂုဏ်ယူမိကြောင်းလည်း ဘတ်ဖွန်က ပြောသည်။ ဂျူဗင်တပ်စ်အသင်းအတွက် ပွဲပေါင်း ၅၇၉ ပွဲ ပါဝင် ကစားထားသည့် ဘတ်ဖွန်သည် ယခုနှစ်ရာသီတွင် ၄၄ ပွဲပါဝင်ကစားပေးခဲ့ပြီး စီးရီးအေ၌ ၉၇၃ မိနစ်ဆက်တိုက် ဂိုးမပေးရသည့် စံချိန်သစ်လည်း တင်နိုင်ခဲ့သည်။
ဘတ်ဖွန်သည် ၂၀၀၁ ခုနှစ်က ပါးမားမှ ဂျူဗင်တပ်စ်သို့ ပြောင်းရွှေ့ကြေး ပေါင် ၃၂ သန်းဖြင့် ပြောင်းရွှေ့လာသူဖြစ်ပြီး ဈေးအကြီးဆုံး ဂိုးသမားအဖြစ် စံချိန်တင်ထားဆဲ ဖြစ်သည်။
ဂျူဗင်တပ်စ်အသင်းသည် အသက် ၃၅ နှစ်အရွယ်ရှိ နောက်ခံလူ ဘာဇာဂလီကိုလည်း ၂၀၁၈ ခုနှစ်အထိ စာချုပ်သက်တမ်းတိုး ချုပ်ဆိုလိုက်သည်။ ဂျူဗင်တပ်စ်အသင်းသည် တိုးတက်မှုအတွက် အကောင်းဆုံးနေရာဖြစ်ကြောင်း ၎င်းက ပြောဆိုခဲ့သည်။
မဇ္ဈိမသတင်း by - အောင်ငြိမ်းသွေး
Originally published at - http://mizzimaburmese.com/article/14104
No comments:
Post a Comment