ဒီဇင်ဘာ ၂၇၊ လီဗာပူးလ်။ ။ လီဗာပူးလ် အသင်းသည် ကွင်းလယ် ကစားသမား လူးကပ်စ် လီဗာအတွက် အင်တာမီလန်၏ ကမ်းလှမ်းမှုကို စဉ်းစားနေသည်။
အင်တာမီလန်သည် လူးကပ်စ်ကို လွန်ခဲ့သောနှစ်များ ကတည်းကစိတ်ဝင် စားနေပြီး အသင်းကို နည်းပြ မန်စီနီ ကိုင်တွယ်စဉ် ကတည်းက ခေါ်ယူရန် ကြိုးပမ်းခဲ့ဖူးသည်။
လူးကပ်စ်သည် ကလော့ပ်၏ လူစာရင်းတွင် ထင်ရှားသော ကစားသမား တစ်ဦးဖြစ်သော်လည်း အင်တာမီလန် အသင်းက လက်ကျန် ရာသီအတွက်အငှားဖြင့်ခေါ်ယူပြီး ရာသီကုန်တွင် အပြီးသတ်ခေါ်ယူနိုင်ရန် စုံစမ်းနေခြင်းဖြစ်သည်။
အသက် ၂၉ နှစ် အရွယ် ဘရာဇီး ကစားသမားသည် ၂၀၀၇ ကတည်းက အန်ဖီးလ်သို့ရောက်နေပြီး မိသားစုမှာလည်း အခြေကျ လျှက်ရှိသည်။
သို့သော်လက်ရှိရာသီတွင် ပွဲထွက်ခွင့် နည်းပါးနေပြီး ၁၁ ပွဲသာ ကစားခွင့်ရထားကာ ပွဲကစားခွင့် များများလိုချင်နေသည်။ အသင်း ပြောင်းရန် ဆုံးဖြတ်ဖြစ်ပါက လာမည့်နွေရာသီတွင် လီဗာပူးလ်ကိုနှုတ်ဆက် ရမည်ဖြစ်ပြီး ဆက်နေရန် ဆုံးဖြတ်ပါက ပွဲကစားခွင့် အတွက် တိုက်ပွဲဝင်ရမည်ဖြစ်သည်။
ကလော့ပ်သည် လူးကပ်စ်ကို ဗဟိုနောက်ခံအဖြစ်လည်းကောင်း၊ ကွင်းလယ်အဖြစ်လည်းကောင်းအသုံးပြုနေသော်လည်း မြင့်မြင့်မားမားမျှော်မှန်းခံထားရသည့် လူငယ်ဗဟိုနောက်ခံလူ ဂျိုးဂိုမက်ဇ်၏ခြေစွမ်းတိုးတက်လာနေမှုကြောင့် လူးကပ်စ်မှာ အင်တာမီလန်၏ ကမ်းလှမ်းမှုကို စဉ်းစားလာရခြင်းဖြစ်သည်။
အင်တာမီလန်သည် ချယ်လ်ဆီးမှ မီကယ်လ်၊ ဝုဖ်ဘတ်မှ ဂူစတာဗိုတို့ကိုလည်း စိတ်ဝင်စားနေသည့်တိုင် လူးကပ်စ်မှာ ၎င်းတို့၏ အဓိက ပစ်မှတ်ဖြစ်သည်။
Ref; Daily Mail
From : မဇ္ဈိမ မီဒီယာ
Originally published at - http://mizzimaburmese.com/article/21665
No comments:
Post a Comment