ဇန်န၀ါရီ ၂၃၊ အင်္ဂလန် ။ ။ စတုခ် စီးတီးနှင့် မန်ယူတို့ သရေကျ ခဲ့သည့် ပွဲတွင် အဖိုးတန် ချေပဂိုး သွင်းယူပေး ခဲ့ပြီး မန်ယူ အသင်း၏သမိုင်း တစ်လျှောက် ဂိုးသွင်း အများဆုံး ကစားသမား ဖြစ်လာသည့် ၀ိန်းရွန်နီကို အားကစား မီဒီယာ အစည်း အရုံးက အထူး ဂုဏ်ပြုဆု ပေးအပ် ချီးမြှင့်ခဲ့သည်။
အားကစားမီဒီယာ အစည်း အရုံးသည် ယခင် ကလည်း အထူး ဂုဏ်ပြု ဆုများ ပေးအပ် ချီးမြှင့်ခဲ့ဖူးပြီး မန်ယူ ကစားသမားဟောင်း များဖြစ်သည့် ရွိုင်ယန်ဂစ်၊ ဒေးဗစ် ဘက်ခမ်၊ ချယ်လ်ဆီး ကစားသမားဟောင်း လမ်းပတ်နှင့် လီဗာပူးလ် ကွင်းလယ် ကစားသမားဟောင်း စတီဗင်ဂျရတ်တို့ ရရှိခဲ့ဖူးသည်။
မန်ယူအတွက် ၂၅၀ မြောက်သွင်းဂိုးကို သွင်းယူပြီး ဘော်ဘီချာလ်တန်၏ စံချိန်ကို ရိုက်ချိုးနိုင် ခဲ့သည့် ရွန်နီမှာ ငါးကြိမ်မြောက် ဂုဏ်ပြုခံ ရသည့် ကစားသမားဖြစ်သည်။
'အားကစားမီဒီယာ အစည်းအရုံးရဲ့ ဂုဏ်ပြုဆု အတွက် ရွေးချယ်ခံ ခဲ့ရပြီး ဒီနေ့ ဒီနေရာမှာ ရှိနေ ရတာက ကျွန်တော့် အတွက် အလွန်ကို ဂုဏ်ယူ စရာကောင်းပါတယ်။ ဒီဆု ကျွန်တော့် လက်ထဲ မရောက်ခင် အရင်က ဆုရရှိခဲ့ သူတွေကို ကြည့်လိုက် မိပါတယ်။ ဒီဆုကို ရရှိခဲ့ဖူး သူတွက ကြီးမားတဲ့ အောင်မြင်မှုတွေရရှိခဲ့ သူတွေပါ။
ဒီစာရင်းမှာ ပါဝင်ရတော့မှာကို အလွန်ဂုဏ်ယူမိပါတယ်။ ဒီဆုအတွက် ကျွန်တော့်ကို ရွေးချယ်ပေး ခဲ့ကြတဲ့သူတွေကို အထူးကျေးဇူး တင်ပါတယ်။
ရွန်နီရယ်လို့ ဖြစ်လာအောင် အလုပ်အတူ တွဲဖက်လုပ်ကိုင်ခဲ့ပြီး သွန်သင်ပေးခဲ့တဲ့ နည်းပြတွေနဲ့ အသင်းဖော်တွေ အားလုံးကိုလည်း ကျေးဇူး တင်ပါတယ်' ဟု ရွန်နီက ပြောဆို ခဲ့သည်။
ထို့အပြင် ရွန်နီက အင်္ဂလန် ကစားသမားများနှင့် မီဒီယာ များကြားတွင် ကောင်းမွန်သည့် ဆက်ဆံရေး အမြန်ဆုံး တည်ဆောက်နိုင်ပါက အင်္ဂလန် ဘောလုံး လောက အတွက် ကောင်းမွန် လိမ့်မည် ဖြစ်ကြောင်းနှင့် အင်္ဂလန် လက်ရွေးစင် အသင်းကို အောင်မြင် စေလိမ့်မည် ဖြစ်ကြောင်း ပြောဆိုခဲ့သည်။
ရည်ညွှန်း ဒေးလီးမေးလ်
From : မဇ္ဈိမ မီဒီယာ - By: အောင်ငြိမ်းသွေး
Originally published at - http://mizzimaburmese.com/article/22663
No comments:
Post a Comment