ကျိုက္ကစံ လေ့ကျင့်ရေး ကွင်း၌ ပြင်ဆင်မှုများ ပြုလုပ်နေသည့် ရခိုင်အသင်း (ဓာတ်ပုံ - RUFC)
ဒီဇင်ဘာ ၂၃၊ ရန်ကုန်
မြန်မာနေရှင်နယ်လိဂ် ကလပ် ရခိုင် ယူနိုက်တက် အသင်းသည် အသင်း၏ လေ့ကျင့်ရေးကွင်း အတွက် ရန်ကုန်တိုင်း မှော်ဘီမြို့တွင် ကိုယ်ပိုင် လေ့ကျင့်ရေးကွင်း တည်ဆောက်နိုင်ရန် ကြိုးပမ်း ပြင်ဆင်လျက် ရှိသည် ဟု ရခိုင်အသင်း မီဒီယာ တာဝန်ခံ ကိုသက်ထူးနိုင်ဦးက ပြောသည်။
ရခိုင်အသင်းသည် လက်ရှိတွင် လာမည့် ၂၀၁၆ ဘောလုံးရာသီသစ်အတွက် ကြိုတင်ပြင်ဆင်မှုများပြုလုပ်လျက်ရှိပြီး နိုင်ငံခြားသားကစားသမားသစ် လေးဦးအပါအ၀င် ပြည်တွင်း ကစားသမားသစ်များကိုလည်း ခေါ်ယူအားဖြည့်ထားလျက်ရှိသည်။
“ ကျွန်တော်တို့အသင်းအနေနဲ့ ကိုယ်ပိုင်လေ့ကျင့်ရေးကွင်းတည်ဆောက်ဖို့ မှော်ဘီမှာ မြေနေရာရှာထားပါတယ်။ ခုလည်းရတော့ရနေပါပြီ။ မြေနေရာကို ခြံခတ်တာလောက်ပဲ လုပ်လို့ပြီးပါသေးတယ်။
ဘောလုံးကွင်းဆောက်ဖို့အတွက်တော့ ခွင့်ပြုမိန့်တို့ မြက်ခင်းပြန်လုပ်ဖို့တွေတော့ လိုပါသေးတယ်။ ဒုတိယအကျော့က မိုးတွင်းထဲဖြစ်နေတော့ လာမယ့်နှစ်လောက်တော့ ပြီးဖို့ မှန်းထားပါတယ်။
လာမယ့်နှစ်မှာ အသင်းအိမ်ကွင်းလည်း အပြီးသတ်နိုင်ဖို့ ကြိုးပမ်းနေပါတယ်။ အခုတော့ တော်တော်များများလည်း ပြီးသလောက်တော့ ရှိနေပါပြီ ” ဟု ရခိုင်အသင်း၏ အိမ်ကွင်း၊ ကိုယ်ပိုင်လေ့ကျင့်ရေးကွင်း ပြင်ဆင်ထားမှုနှင့် ပတ်သက်၍ ကိုသက်ထူးနိုင်ဦးက ပြောသည်။
ရခိုင်ယူနိုက်တက်အသင်းသည် ၂၀၁၀ ခုနှစ်မှ စတင်ကာ မြန်မာနေရှင်နယ်လိဂ်၌ စတင်ယှဉ်ပြိုင်ကစားခဲ့ပြီး ပြီးခဲ့သည့် ၂၀၁၃ ခုနှစ်တွင် လိဂ်-၂ သို့ တန်းဆင်းခဲ့ရသော်လည်း ၂၀၁၄ ခုနှစ်၌ တစ်နှစ်အတွင်း တန်းပြန်တက်နိုင်အောင် စွမ်းဆောင်နိုင်ခဲ့သည့် အသင်းတစ်သင်းဖြစ်သည်။
မဇ္ဈိမသတင်း by mizzima
Originally published at - http://mizzimaburmese.com/article/8912
No comments:
Post a Comment