ဇန်နဝါရီ ၂၂၊ မန်ချက်စတာ။ ။ မန်ချက်စတာ ယူနိုက်တက် အသင်း အတွက် ၂၅၀ ပြည့် ဂိုးကို သွင်းယူနိုင် ခဲ့သည့် ဝိန်းရွန်နီသည် အသင်း သမိုင်း တစ်လျှောက် ဂိုးသွင်း အများဆုံး ကစားသမား ဖြစ်လာသည်။
ပွဲပြီးခါနီးတွင် ဂိုးသွင်းယူနိုင် ခဲ့ခြင်းဖြစ်ပြီး ရွန်နီသည် အနည်းငယ်သာ အောင်ပွဲခံခဲ့သည်။ ပြစ်ဒဏ်ဘောကို တိုက်ရိုက် ကန်သွင်း ခဲ့ခြင်း ဖြစ်သော်လည်း နိုင်ပွဲ လိုချင်သည့် ယူနိုက်တက် အတွက် အနိုင်ဂိုး မဟုတ်ဘဲ သရေဂိုးသာ ဖြစ်နေ ခဲ့သည်။
ထပ်ဆောင်း အချိန်ပို ငါးမိနစ် ပေးထား ချိန်တွင် ပွဲပြီးရန် စက္ကန့် ၉၀ ခန့်သာ လိုတော့သဖြင့် ရွန်နီမှာ အချိန်ဖြုန်းလိုခြင်း မရှိသဖြင့် အောင်ပွဲ ကြာကြာ မခံ ခြင်း
ဖြစ်နိုင်ကြောင်း ဒေးလီးမေးလ် သတင်းစာက သုံးသ ပ်ခဲ့သည်။
ယူနိုက်တက်သည် စနေနေ့က စတုခ်အိမ်ကွင်းတွင်ကစားသောပွဲစဉ်တွင် စတုခ်အသင်းကို ၁-၀ ဂိုးဖြင့်အရေးနိမ့်နေရာမှ ပွဲပြီးခါနီး တွင် ရွန်နီသွင်းယူသည့် ဂိုးဖြင့် သရေ တစ်မှတ် ရရှိခဲ့သည်။
ပွဲအပြီးတွင် မန်ယူအသင်း၏ ဂန္ထဝင် ဆာဘော်ဘီချာလ်တန်က ရွန်နီကို ချီးကျူးခဲ့ပြီး မိမိ ၄၄ နှစ်ကြာတင်ရှိထားသည့် စံချိန်ကို ချိုးဖျက်နိုင် ခဲ့သည့် ရွန်နီမှာ ကလပ်နှင့်
နိုင်ငံအတွက် စစ်မှန်သည့် ကြီးကျယ် ခမ်းနားသူ တစ်ဦးဟု ပြောဆို လိုက်သည်။
“စံချိန်ချိုးခံရလို့ စိတ်မပျက် ပါဘူးဆိုရင် ကျွန်တော် လိမ်နေတာပဲဖြစ်မှာပါ။ သို့သော်လည်း ရိုးရိုးသားသားပြောရပြန်ရင်လည်း ဝိန်းရွန်နီအတွက် ဝမ်းသာနေပါတယ်။
သမိုင်းမှတ်တမ်းစာအုပ်မှာသူနာမည်ရေးထိုး ခံရထိုက် ပါတယ်။ သူက ကလပ်နဲ့နိုင်ငံ အတွက် စစ်မှန်တဲ့ ကြီးကျယ်သူ တစ်ယောက် ဖြစ်ပြီး အခုဆိုရင် ယူနိုက်တက် မှာရော အင်္ဂလန် လက်ရွေးစင် အသင်းမှာပါ ဂိုးသွင်း အများဆုံးကစားသမားဖြစ်သွားပြီ”ဟု ဆာဘော်ဘီချာလ်တန်က ပြောသည်။
Ref; Daily Mail, BBC
From : မဇ္ဈိမ မီဒီယာ By: ဝေဘုန်းလူ
Originally published at - http://mizzimaburmese.com/article/22636
No comments:
Post a Comment