မန်ယူ အသင်းရဲ့ စပိန် ကွင်းလယ် ကစားသမား Mata ဟာ စက်တင်ဘာလ အတွက် Player Of The Month ကို ဆွတ်ခူး ရရှိခဲ့ တယ်လို့ သိရပါတယ်။ ညာတောင်ပံ ကနေ အသင်းရဲ့ တိုက်စစ် လမ်းကြောင်းတွေ ဖွင့်ပေးနိုင် ခဲ့တဲ့ Mata ဟာ သူပါဝင် ခဲ့တဲ့ ခြောက်ပွဲမှာ အသင်းကို ငါးပွဲ အထိအနိုင်ရအောင် စွမ်းဆောင် ကစားပေးနိုင် ခဲ့ပြီး တိကျတဲ့ ဘောလုံးဖြန့်ဝေ မှုတွေက အသင်းကို အကျိုးပြု ခဲ့တာပါ။
ဒီအသက်၂၇နှစ်အရွယ်ကစားသမားဟာ ဆောက်သမ်တန် ၊ ဆန်းဒါးလန်း ၊ ဝုလ်ဖ်ဘတ်အသင်းတို့နဲ့ ကစားခဲ့တဲ့ ပွဲစဉ်မှာ ဂိုးတွေသွင်းယူနိုင်ခဲ့ပြီး ဝုလ်ဖ်ဘတ်အသင်းနဲ့ ပွဲမှာ Smalling ကို နောက်ပြန်ဖနောင့်ကန်ချက်နဲ့ ဂိုးရဖို့ထောက်ပံ့ပေးခဲ့တာတွေက ရင်သပ်ရှုမောစရာ ဖြစ်ခဲ့ရပါတယ်။
Mata ရဲ့ ဒီဆုဟာ မန်ယူအသင်းမှာ လေးကြိမ်မြောက်ရယူနိုင်ခဲ့တာဖြစ်ပြီး ယခင်နှစ် ဖေဖော်ဝါရီ ၊ ဧပြီ နဲ့ ယခုနှစ် မတ်လတွေမှာလည်း ရရှိခဲ့ဖူးတာပါ။Mata ဟာ ပရိတ်သတ်တွေရဲ့ မဲ ၄၄ ရာခိုင်နှုန်းကို ရရှိခဲ့ပြီး သူအဓိက ပြိုင်ဆိုင်ခဲ့ရတဲ့ လူငယ်တိုက်စစ်မှူး Martial က မဲ ၄၂ ရာနှုန်းကို ရရှိခဲ့ပါတယ်။ တတိယနေရာမှာတော့ အသင်းနောက်ခံလူ Smalling က မဲ ၁၄ ရာခိုင်နှုန်းရရှိခဲ့ပြီး နောက်တန်းကို အကောင်းဆုံးဦးဆောင်နိုင်ခဲ့တာ ဖြစ်တဲ့အတွက်ကြောင့်လို့ သိရပါတယ်။
Original link - http://sports.thithtoolwin.com/2015/10/player-of-month-mata.html
| ဒီပို့စ်လေးကို နှစ်သက်တယ်ဆိုရင် | လုပ်နိုင်ပါတယ်။ |
No comments:
Post a Comment