၂၀၁၃ ဆီးဂိမ်း၌ မြန်မာ့ လက်ရွေးစင် ဟော်ကီအသင်း ယှဉ်ပြိုင် ကစားနေစဉ် (ဓာတ်ပုံ-ရဲဟိန်း)
နိုဝင်ဘာ ၂၀၊ ရန်ကုန်။။
အာရှ ဟော်ကီ အဖွဲ့ချုပ်မှ ကြီးမှူး ကျင်းပသည့် ဒုတိယ အကြိမ်မြောက် အာရှ ဖိတ်ခေါ် ဟော်ကီ ပြိုင်ပွဲကို အိမ်ရှင် အဖြစ် မြန်မာနိုင်ငံတွင် ကျင်းပ ပြုလုပ်မည် ဟု ကမ္ဘာ့ ဟော်ကီ အဖွဲ့ချုပ်မှ တရားဝင် သတင်း ထုတ်ပြန် လိုက်သည်။
အဆိုပါပြိုင်ပွဲကို လာမည့် ဒီဇင်ဘာ ၁၂ ရက်မှ ၂၀ ရက်ထိ ရန်ကုန်မြို့ သိမ်ဖြူ ဟော်ကီကွင်းတွင် ကျင်းပပြုလုပ်မည် ဖြစ်ပြီး အုပ်စုပတ်လည်စနစ်ဖြင့် ယှဉ်ပြိုင်ကစားရမည် ဖြစ်သည်။
အာရှဖိတ်ခေါ်ဟော်ကီပြိုင်ပွဲတွင် အိမ်ရှင်မြန်မာအသင်းနှင့် အတူ သီရိလင်္ကာ၊ အင်ဒိုနီးရှား၊ တိုင်ပေ၊ တရုတ်၊ ဟောင်ကောင် စသည့် အာရှအသင်းများ ပါဝင်မည် ဖြစ်သည်။ ယင်းပြိုင်ပွဲ၌ ပထမနှင့် ဒုတိယ ရသည့် အသင်းနှစ်သင်းသည် လာမည့် ၂၀၁၇ အာရှဖလားဟော်ကီပြိုင်ပွဲသို့ တိုက်ရိုက်ဝင်ပြိုင်ခွင့် ရရှိမည် ဖြစ်သည်။
မြန်မာလက်ရွေးစင်ဟော်ကီအသင်းသည် ပထမအကြိမ်အာရှဖိတ်ခေါ်ပြိုင်ပွဲတွင် ၀င်ရောက်ယှဉ်ပြိုင်ခဲ့ခြင်း မရှိပဲ ဒုတိယအကြိမ်မှသာ ၀င်ရောက်ယှဉ်ပြိုင်ကာ အိမ်ရှင်နိုင်ငံအဖြစ်လည်း ပထမဆုံး ကျင်းပပြုလုပ်နိုင်ခြင်း ဖြစ်သည်။
မြန်မာလက်ရွေးစင်ဟော်ကီအသင်းသည် ယင်းပြိုင်ပွဲအတွက် စက်တင်ဘာ (၁) ရက်မှ စတင်ကာ ကစားသမား ၂၈ ဦးဖြင့် စခန်းသွင်း လေ့ကျင့်ပြင်ဆင်လျက်ရှိသည်။ မြန်မာဟော်ကီအသင်းသည် ပြီးခဲ့သည့် ၂၀၁၃ ဆီးဂိမ်းအိမ်ရှင်အဖြစ် ကျင်းပပြုလုပ်စဉ်ကလည်း ကြေးတံဆိပ်ဆု ရရှိအောင် စွမ်းဆောင်ထားနိုင်ခဲ့သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/7670
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment