ယူနန်ဖိတ်ခေါ်ပြိုင်ပွဲဝင်မည့် ဟံသာဝတီအသင်း။ (ဓာတ်ပုံ- MFF)
တရုတ်နိုင်ငံ၊ ယူနန်မြို့တွင်ကျင်းပမည့် အာဆီယံ - ယူနန်ဖိတ်ခေါ် ဘောလုံးပြိုင်ပွဲကို မူလက ရတနာပုံ အသင်း ၀င်ရောက် ယှဉ်ပြိုင်ရန် စီစဉ်ထားသော်လည်း ဗီယက်နမ် ဖိတ်ခေါ်ပြိုင်ပွဲ ၀င်ရောက်ရန် ရှိသဖြင့် ဟံသာဝတီ ယူနိုက်တက် အသင်းက အစားထိုး ၀င်ရောက်ယှဉ်ပြိုင်မည် ဖြစ်သည်။
အာဆီယံ-ယူနန်ဖိတ်ခေါ်ဘောလုံးပြိုင်ပွဲကို နိုဝင်ဘာ ၂၀ရက်မှ ၃၀ရက်အထိ ကျင်းပပြုလုပ်မည်ဖြစ်ပြီး အာဆီယံဒေသတွင်းနိုင်ငံများဖြစ်သော လာအို၊ ကမ္ဘောဒီးယား၊ မြန်မာစသည့်နိုင်ငံများမှ ကလပ်အသင်းများနှင့် တရုတ်ကလပ်အသင်းများဝင်ရောက်ယှဉ်ပြိုင်မည်ဖြစ်သည်။
“ရတနာပုံက မပြိုင်တော့ဘူးဆိုတော့ ဒီပြိုင်ပွဲကို ကျွန်တော်တို့အသင်းဝင်ပြိုင်ဖို့ဆုံးဖြတ်ခဲ့တာပါ။ နိုင်ငံခြားသားကစားသမားတွေက စာချုပ်သက်တမ်းရှိသေးတဲ့အတွက် လူစာရင်းမှာပါလာနိုင်ပါတယ်။ ပြိုင်ပွဲမှာ အောင်မြင်မှုရဖို့ထက် လူငယ်ကစားသမားတွေ အတွေ့အကြုံရဖို့ အဓိကထားပါတယ်။ လက်ရွေးစင်တွေက ၀င်ပြိုင်မှာမဟုတ်ပါဘူး။” ဟု ဟံသာဝတီအသင်းမန်နေဂျာ ဦးထွန်းထွန်းလင်းကပြောသည်။
အာဆီယံ-ယူနန်ဖိတ်ခေါ်ဘောလုံးပြိုင်ပွဲကို ၂၀၁၂ခုနှစ်မှစတင်ကာ မြန်မာနေရှင်နယ်လိဂ်ကလပ်အသင်းများ ၀င်ရောက်ယှဉ်ပြိုင်ခဲ့ပြီး ၂၀၁၂ခုနှစ်တွင် မနောမြေ၊ ၂၀၁၃ခုနှစ်တွင် ဟံသာဝတီ၊ ၂၀၁၄ခုနှစ်တွင် ရတနာပုံအသင်းတို့ ၀င်ရောက်ယှဉ်ပြိုင်ခဲ့ကာ ၂၀၁၅ခုနှစ်တွင် ဟံသာဝတီအသင်းက ဒုတိယအကြိမ်အဖြစ် ၀င်ရောက်ယှဉ်ပြိုင်ခြင်းဖြစ်သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/6833
| ဒီပို့စ်လေးကို နှစ်သက်တယ်ဆိုရင် | လုပ်နိုင်ပါတယ်။ |
No comments:
Post a Comment