ဘရူနိုအေးရိစ်၊ ဒီဇင်ဘာ ၁၁
အင်တာမီလန် တိုက်စစ် မှူးဟောင်း ဒီယေဂို မီလီတိုက လာမည့်ခြောက်လ ဘောလုံး ကစားပြီး နောက်တွင် ဘောလုံး လောကမှ အနားယူ တော့မည် ဖြစ်ကြောင်း ထုတ်ပြန် ကြေညာ လိုက်သည်။
ယခုအချိန်တွင် မီလီတိုသည် ဘရူနိုအေးရိစ်မြို့အခြေစိုက် ရေးဆင်းကလပ်အသင်းတွင်ကစားလျက်ရှိပြီး ကိုပါလီဘာတာဒိုရက်စ်ပြိုင်ပွဲ ပြီးဆုံးမည့်အချိန်တွင် ဘောလုံးလောကမှ အနားယူရန် ဆုံးဖြတ်ထားခြင်း ဖြစ်သည်။
အသက် ၃၆ နှစ်အရွယ်ရှိ မီလီတိုက 'ရေးဆင်းကလပ်အတွက် နောက်ခြောက်လ ကစားပေးမယ်လို့ ပြောခွင့်ရတဲ့အတွက် ပျော်ပါတယ်။ ကိုပါလီဘာတာဒိုရက်စ်ပြိုင်ပွဲ ကစားဖို့ ဆက်ရှိနေဦးမှာပါ။
ဘောလုံးဆိုတာ ကျွန်တော့်ဘ၀တစ်လျှောက်လုံးကစားလာတာပါ။ ဘောလုံးကစားတာကို ရပ်လိုက်ဖို့ဆိုတာ မလွယ်ကူပါဘူး။ လာမယ့် ၂၀၁၆ ဇွန်လမှာတော့ ဘာပဲဖြစ်ဖြစ် ဘောလုံးလောက ကနေ အနားယူတော့မှာပါ။ လာမယ့်ခြောက်လက ကျွန်တော့်ရဲ့ ပရော်ဖက်ရှင်နယ်ကစားသမားဘ၀အတွက် နောက်ဆုံးပါပဲ' ဟု ပြောသည်။
မီလီတိုသည် အင်တာမီလန်အသင်းတွင် ကစားခဲ့သည့်ငါးနှစ်အတွင်း ပွဲပေါင်း ၁၇၁ ပွဲကစားပြီး ၇၅ ဂိုးသွင်းယူပေးခဲ့သည်။ အင်တာမီလန်နှင့်အတူ ချန်ပီယံလိဂ်ဖလား၊ စီးရီးအေဖလား၊ ကိုပါအီတာလီယာဖလား၊ ဖီဖာကမ္ဘာ့ကလပ်ဖလားစသည့် အဓိက ဆုဖလားအားလုံးကို ရယူနိုင်ခဲ့သည်။
ထို့နောက် ၂၀၁၄ ခုနှစ်အကုန်တွင် ၎င်း၏ငယ်မွေးခြံပေါက်ကလပ် ရေးဆင်းအသင်းထံ ပြန်လည်ပြောင်းရွှေ့ခဲ့ပြီး တစ်ရာသီကျော်ကစားပြီးနောက် အနားယူတော့မည်ဟု ကြေညာခဲ့ခြင်းဖြစ်သည်။ မီလီတိုသည် ၎င်း၏ပရော်ဖက်ရှင်နယ်ကစားသမားဘ၀တွင် ပွဲပေါင်း ၅၈၀ ကျော်ကစားခဲ့ပြီး ဂိုးပေါင်း ၂၄၉ ဂိုးသွင်းယူထားသည်။
ရည်ညွှန်း ဂိုးလ်ဒေါ့ကွန်း
by mizzima
Original link - http://mizzimaburmese.com/article/8423
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment