အင်္ဂလန်၊ ဇန်န၀ါရီ ၁၅
ဆန်းဒါးလန်း အသင်းသည် တူရကီ ကလပ် ထရက်ဇွန် စပေါလ် အသင်းမှ တိုက်စစ်မှူး အန်ဒွိုင်းကို ရာသီအဆုံး အထိ အငှား စာချုပ်ဖြင့် ခေါ်ယူ လိုက်ပြီ ဖြစ်သည်။
အသက် ၃၀ အရွယ်ရှိ အန်ဒွိုင်းသည် ပြီးခဲ့သည့်ရာသီက ဟားလ်စီးတီးအသင်းတွင် ကစားခဲ့ဖူးသူဖြစ်သည့်အတွက် ပရီးမီးယားလိဂ်အတွေ့အကြုံရှိသည့် ကစားသမားဖြစ်သည်။ ၎င်းသည် ထရက်ဇွန်စပေါအသင်းသို့ မပြောင်းရွှေ့မီက ၁၅ ပွဲတွင် ငါးဂိုးသွင်းယူပေးခဲ့သည်။
ဆန်းဒါးလန်းနည်းပြ ဆမ်အလာဒွိုက်စ်က 'အန်ဒွိုင်းက ကျွန်တော်တို့အသင်းရဲ့ တိုက်စစ်အတွက် ကွဲပြားခြားနားတဲ့ ပုံစံတစ်ခုကို ယူဆောင်လာပါလိ့မ်မယ်။ သူက ပရီးမီးယားလိဂ် အတွေ့အကြုံရှိပြီး သားဖြစ်လို့ ကွင်းထဲမှာ အခက်အခဲ မရှိနိုင်ပါဘူး။ ဒီရာသီ ဒီလိုအခြေအနေမှာ ဒါက အရေးကြီးပါတယ်' ဟု ပြောသည်။
အန်ဒွိုင်းသည် ပေါ်တူဂီကလပ် အကယ်ဒမီကာ၊ ဂရိကလပ် ပါနာသီနာကော့စ်၊ ဒိန်းမတ်ကလပ် ကိုပင်ဟေဂင်နှင့် ရုရှကလပ် လိုကိုမိုးတစ်မော်စကိုတို့တွင် ကစားခဲ့ဖူးသည့် အတွေ့အကြုံရှိ တိုက်စစ်မှူး ဖြစ်သည်။ ၎င်း၏ ကစားသမားဘ၀တွင် အကောင်းဆုံးစွမ်းဆောင်မှုမှာ ၂၀၀၉ မှ ၂၀၁၂ အထိ ကိုပင်ဟေဂင်အသင်းတွင် ကစားခဲ့သော ကာလဖြစ်သည်။ ထိုအသင်းတွင် ၁၀၄ ပွဲ၌ ၅၉ ဂိုးသွင်းယူနိုင်ခဲ့သည်။
ဆန်းဒါးလန်းအသင်းမှာ လက်ရှိတွင် ရမှတ် ၁၈ မှတ်သာ ရရှိထားသေးပြီး အဆင့် ၁၈ နေရာတွင် ရပ်တည်နေသည်။
မဇ္ဈိမသတင်း by mizzima
Originally published at - http://mizzimaburmese.com/article/9885
No comments:
Post a Comment