မြန်မာ အမျိုးသမီး အသင်း နည်းပြသစ် ဖြစ်လာမည့် နယ်သာလန် နည်းပြ ရော်ဂျာ
ဖေဖော်ဝါရီ ၁၄၊ ရန်ကုန်
မြန်မာ့ လက်ရွေးစင် အမျိုးသမီး ဘောလုံး အသင်း နည်းပြသစ် နယ်သာလန် လူမျိုး နည်းပြ ရော်ဂျာသည် ဖေဖေါ်ဝါရီ ၁၄၊ နံနက်ပိုင်းက မြန်မာနိုင်ငံသို့ ရောက်ရှိ လာခဲ့သည်။
ရော်ဂျာနှင့် မြန်မာနိုင်ငံ ဘောလုံးအဖွဲ့ချုပ်တို့ ရက်ပိုင်း အတွင်းဆွေးနွေးမှု ပြုလုပ်ကာ စာချုပ် ချုပ်ဆိုမည် ဖြစ်သည်။
“ရော်ဂျာက မြန်မာနိုင်ငံရောက်နေပါပြီ။ သူနဲ့ အသေးစိတ်ဆွေးနွေးမှုလုပ်ပြီး တရားဝင် စာချုပ်မှာပါ။ အသင်းကို ဘယ်တော့စကိုင်မလဲဆိုတာကတော့ သူပဲဆုံးဖြတ်ပါလိမ့်မယ်။
လိုအပ်တဲ့အရာတွေကိုတော့ အဖွဲ့ချုပ်က ဖြည့်ဆည်းပေးမှာပါ။”ဟု မြန်မာနိုင်ငံဘောလုံးအဖွဲ့ချုပ် တွဲဖက်အတွင်းရေးမှူး ဦးကိုကိုသိန်းကပြောသည်။
ရော်ဂျာမှာ နယ်သာလန်အမျိုးသမီးလက်ရွေးစင်နည်းပြဟောင်းတစ်ဦးဖြစ်ပြီး မြန်မာ့လက်ရွေးစင်အသင်းနည်းပြချုပ် ဂတ်ဇီဆီဖရိုင်းဒရစ်၏ အဆက်အသွယ်ဖြင့် မြန်မာအမျိုးသမီးအသင်းကို ကိုင်တွယ်ရန်သဘောတူခဲ့ခြင်းဖြစ်သည်။
မြန်မာ့လက်ရွေးစင်အမျိုးသမီးဘောလုံးအသင်းမှာ ၂၀၁၆ခုနှစ်အတွင်း ၂၀၁၆ အာဆီယံအမျိုးသမီးချန်ပီယံရှစ်၊ အာရှအမျိုးသမီး ချန်ပီယံရှစ်ခြေစစ်ပွဲများ ကစားရန်ရှိနေပြီး တရုတ်နိုင်ငံတွင်လည်း ကာလရှည်သွားရောက်နေထိုင်လေ့ကျင့်ရန် စီစဉ်ထားသည်။
မဇ္ဈိမသတင်း by mizzima
Originally published at - http://mizzimaburmese.com/article/11164
No comments:
Post a Comment