အူဘာမီယန်းကို ပေါင်သန်း ၇၀ ဖြင့် မန်ယူ ခေါ်ယူမည်

မန်ချက်စတာ၊ ဖေဖော်ဝါရီ ၁၄

မန်ယူ အသင်းသည် လာမည့် နွေရာသီတွင် ဒေါ့တ်မွန် တိုက်စစ်မှူး အူဘာ မီယန်းကို ပေါင် သန်း ၇၀ ဖြင့် ခေါ်ယူရန် နီးစပ် နေပြီဟု ဒေးလီးမေးလ် သတင်းစာက ဖော်ပြ သွားခဲ့သည်။

မန်ယူ အသင်း၏ ဒုတိယ ဥက္ကဋ္ဌ အက်ဝုဒ်ဝက်က လာမည့် ရာသီတွင် ထိပ်တန်း ကစားသမား များကို ခေါ်ယူရန် ပေါင် ၁၂၁ ဒသမ ၆ သန်း အသုံးပြုမည်ဟု အသင်း ရှယ်ယာရှင် များကို ပြောဆို ထားသည်။

အူဘာ မီယန်းသည် ယခုနှစ် ရာသီတွင် ဒေါ့တ်မွန် အသင်း အတွက် ခြေစွမ်းပြ ကစားလျက်ရှိပြီး ၂၇ ဂိုး အထိ သွင်းယူထားသည်။

ဒေါ့တ်မွန်တွင် ခြေစွမ်းပြနိုင်မှုကြောင့် ၂၀၁၅ ခုနှစ်အတွက် အာဖရိက အကောင်းဆုံး ကစားသမား ဆုကို ရရှိထား သူလည်း ဖြစ်သည်။

မန်ယူအသင်းသည် အူဘာမီယန်း အပြင် ဘိုင်ယန် တိုက်စစ်မှူး လီဝန်ဒေါစကီး၊ ရီးယဲလ်တောင်ပံ ကစားသမား ဂါရတ်ဘေးနှင့် ဘာစီလိုနာမှ နေမာ တို့ကိုလည်း ခေါ်ယူ လိုလျက် ရှိသည်။

ရည်ညွှန်း ဒေးလီးမေးလ်

မဇ္ဈိမသတင်း by mizzima

Originally published at - http://mizzimaburmese.com/article/11163