ယခုနှစ် ဘောလုံး ရာသီတွင် ဟံသာဝတီ အသင်းနှင့် ရန်ကုန် အသင်းတို့ အကြိတ်အနယ် ယှဉ်ပြိုင် ကစားနေစဉ်။ (ဓာတ်ပုံ - ရွှေဘုတ်)
ဖေဖော်ဝါရီ ၁၅ ၊ ရန်ကုန်
ပဲခူးတိုင်း ဒေသကြီး ကိုယ်စားပြု ဟံသာဝတီ ယူနိုက်တက် အသင်းသည် ၂၀၁၆ မြန်မာ နေရှင်နယ်လိဂ် ဒုတိယ အကျော့ အိမ်ကွင်း ခုနစ်ပွဲကို တောင်ငူ ကွင်းတွင် ငှားရမ်း အသုံးပြု သွားမည်ဟု အသင်း မန်နေဂျာ ဦးထွန်းထွန်းလင်းက ပြောသည်။
ဟံသာဝတီ အသင်းသည် မူလက ပဲခူးတိုင်း အားကစား ကွင်းအား အိမ်ကွင်း အဖြစ် ကျင်းပပြုလုပ်ရန် စီစဉ် ထားသော်လည်း လက်ရှိတွင် မြက်ခင်း ပြင်ဆင်မှုသာ ပြီးစီးပြီး ပွဲကြည့်စင်နှင့် အဆောက်အဦး အချို့ မပြီးသေးသောကြောင့် တောင်ငူကွင်း ကို ယာယီ အိမ်ကွင်း အဖြစ် ငှားရမ်း အသုံးပြုရန် စီစဉ်ခြင်း ဖြစ်သည်။
တောင်ငူကွင်းအား ငှားရမ်းအသုံးပြုဖြစ်ပုံနှင့် ဆက်စပ်၍ “ တောင်ငူကွင်းကို သုံးဖို့ အားကစားဝန်ကြီးဌာနကို စာတင်ထားပါတယ်။ ကန့်ကွက်ရန်မရှိဘူးလို့ ပြောပါတယ်။
အတိအကျတော့ စာမထွက်သေး ပါဘူး။ ပြီးတာနဲ့ ဘောလုံးအဖွဲ့ချုပ်က တာဝန်ရှိသူတွေနဲ့ တိုင်ပင်ပြီး လိုတာတွေပြင်သွားပါ့မယ်။ တောင်ငူကွင်းက ပရိသတ် ၈၀၀၀ လောက်ဆန့်ပါတယ်။
အသင်းတာဝန်ရှိသူတွေနဲ့လည်း သွားကြည့်ပြီး ပါပြီ။ ကြီးကြီးမားမား ပြင်ဆင်ဖို့တော့ မရှိပါဘူး။ ပွဲကြည့်စင်၊ အ၀တ်လဲခန်း တို့ လောက်ပဲ ပြင်ဖို့လိုပါလိမ့်မယ်။ တစ်ပွဲချင်းစီကို ငှားသုံးတဲ့ သဘောပါ။ ဒု-အကျော့ အိမ်ကွင်း ခုနစ်ပွဲလုံး သုံးဖြစ်ဖို့ များပါတယ် ” ဟု ဦးထွန်းထွန်းလင်းက ပြောသည်။
၂၀၁၆ မြန်မာနေရှင်နယ်လိဂ်ဘောလုံးရာသီ ဒု-အကျော့ပွဲစဉ်များကို ဟံသာဝတီအသင်းအိမ်ကွင်းအဖြစ် အသုံးပြုဖြစ်ခဲ့ပါက ယခုနှစ်မြန်မာနေရှင်နယ်လိဂ်တွင် အိမ်ကွင်းသုံးနိုင်သောအသင်း ခြောက်သင်းရှိ လာမည်ဖြစ်သည်။
ဟံသာဝတီအသင်းသည် ၂၀၁၆ ဘောလုံးရာသီတွင် ရလဒ်များကောင်းမွန်လျက်ရှိပြီး ပွဲစဉ် (၆) အပြီးအထိ ရှုံးပွဲတစ်ပွဲမှ မရှိသေးပဲ လေးပွဲနိုင် နှစ်ပွဲသရေ ရလဒ်ဖြင့် အမှတ်ပေးဇယား အဆင့်၂ နေရာတွင် ရပ်တည်နိုင်လျက်ရှိသည်။
မဇ္ဈိမသတင်း by mizzima
Originally published at - http://mizzimaburmese.com/article/11203
No comments:
Post a Comment