လက်ဘနွန်နှင့် မြန်မာ အသင်းတို့ အကြိတ် အနယ် ယှဉ်ပြိုင် ကစားနေစဉ်။ (ဓာတ်ပုံ- MFF)
မတ် ၃၀၊ ရန်ကုန်
၂၀၁၈ ကမ္ဘာ့ ဖလား ခြေစစ်ပွဲ အုပ်စု နောက်ဆုံး ပွဲတွင် မြန်မာ အသင်းမှာ လက်ဘနွန် အသင်းကို အဝေးကွင်းတွင် သရေ ကစားနိုင် ခဲ့သည့် အတွက် ၂၀၁၉ အာရှဖလား ခြေစစ်ပွဲ တတိယ အဆင့်မှ ဝင်ရောက် ယှဉ်ပြိုင်ခွင့် ရခဲ့သည်။
၂၀၁၈ ကမ္ဘာ့ဖလားခြေစစ်ပွဲ အုပ်စုများမှ အကောင်းဆုံး ဒုတိယရ အသင်းလေးသင်းမှာ အာရှဖလားပြိုင်ပွဲ သို့ တိုက်ရိုက် ဝင်ခွင့်ရမည်ဖြစ်ပြီး ကျန်လေးသင်းနှင့် အုပ်စု တတိယရ အသင်းများ၊ အကောင်းဆုံး အုပ်စု စတုတ္ထရ အသင်းများမှာ တတိယအဆင့်မှ တိုက်ရိုက် ယှဉ်ပြိုင်ရမည်ဖြစ်သည်။
အုပ်စုအောက်ဆုံးမှ အသင်းများမှာမူ Play-Off အဆင့်မှ ကစားရမည်ဖြစ်သည့် အနိုင်ရမည့် အသင်း ၈သင်းမှာ ခြေစစ်ပွဲ တတိယအဆင့်မှစတင်ကစားရမည်ဖြစ်သည်။
လက်ရှိအချိန်တွင် အာရှဖလားခြေစစ်ပွဲတတိယအဆင့်တွင် မြန်မာအသင်းအပါအဝင် အာဖဂန်နစ္စတန်၊ ဘာရိန်း၊ ဂူအမ်၊ ဟောင်ကောင်၊ ဂျော်ဒန်၊ ကူဝိတ်၊ ကာဇက်စတန်၊ လက်ဘနွန်၊ မြောက်ကိုရီးယား၊ အိုမန်၊ ပါလက်စတိုင်း၊ ဖိလစ်ပိုင်၊ စင်ကာပူ၊ တာ့မင်နစ္စတန်၊ ဗီယက်နမ်အသင်းများ ပါဝင်ခွင့်ရထားသည်။
အာရှဖလားခြေစစ်ပွဲ တတိယအဆင့်တွင် အသင်း ၂၄သင်းကစားရမည်ဖြစ်ပြီး ၁၂သင်းခြေစစ်ပွဲအောင်မည်ဖြစ်သည်။ ၂၀၁၉အာရှဖလားပြိုင်ပွဲကို ယူအေအီးနိုင်ငံတွင် ကျင်းပမည်ဖြစ်ပြီး အသင်း ၂၄သင်း ဝင်ရောက်ယှဉ်ပြိုင်မည်ဖြစ်သည်။
မဇ္ဈိမသတင်း by ရဲရင့်ဋ္ဌေး
Originally published at - http://mizzimaburmese.com/article/12947
No comments:
Post a Comment