ယူရိုပါလိဂ် ဆီမီးဖိုင်နယ် ပထမအကျော့ လီဗာပူး ရှုံး (ရုပ်သံဟိုက်လိုက်)

ယူရိုပါလိဂ် ဆီမီးဖိုင်နယ် ပွဲစဉ် ပထမ အကျော့ အဖြစ် စပိန် လာလီဂါ ကလပ် ဗီလာ ရီးရဲလ်က အင်္ဂလန် ပရီးမီးယားလိဂ် ကလပ် လီဗာပူးကို ၁ ဂိုး ဂိုးမရှိနဲ့ အနိုင် ရရှိ သွားပါတယ်။

ဗီလာရီးရဲလ် ကွင်းမှာ ကစားတဲ့ ဒီပွဲ ပထမပိုင်း မှာတော့ တဘက်နဲ့ တဘက် ဂိုးမသွင်းနိုင်ဘဲ ဂိုးမရှိ သရေကျ ခဲ့ပါတယ်။

ဒါပေမယ့် ဒုတိယပိုင်း ပွဲပြီးခါနီးမှာ ဗီလာရီးရဲလ် ကစားသမား အက်ဒီရမ်က ဂိုးသွင်းယူသွားပြီး ၁ ဂိုး ဂိုးမရှိနဲ့ အနိုင်ရရှိသွားပါတယ်။

ဖလာမီနိုရဲ့ကန်ချက် ဂိုးတိုင်ထိ ထွက်ခဲ့တာကလွဲပြီး လီဗာပူးအသင်းရဲ့ တိုက်စစ်အားပျော့ခဲ့သလို ဗီလာရီးရဲလ်ကို ထိရောက်တဲ့ ခြိမ်းခြောက်မှုတွေ မလုပ်နိုင်ခဲ့ပါဘူး။

ဒီပွဲမှာ ဘောလုံးပိုင်ဆိုင်မှုနဲ့ ဂိုးပေါက်ကန်သွင်းခွင့်ကတော့ လီဗာပူးအသင်း အသာစီး ရရှိထားပါတယ်။

ဆီမီးဖိုင်နယ် ဒုတိယအကျော့ ပွဲစဉ်ကိုတော့ မေ ၅ ရက်ကျရင် လီဗာပူးရဲ့ အန်ဖီးလ်ကွင်းမှာ ယှဉ်ပြိုင်ကစားမှာ ဖြစ်ပါတယ်။



by ဒီဗွီဘီ

Originally published at - http://burmese.dvb.no/archives/147328