မေ ၂၈၊ ရန်ကုန်
ဇွန်လ ၁၂ ရက်တွင် မြန်မာနေရှင်နယ်လိဂ် ပွဲစဉ် (၁၃) အဖြစ် ဇွန်လ ၁၂ ရက်တွင် ရန်ကုန် ယူနိုက်တက် အသင်း အိမ်ကွင်း၌ ကစားရမည့် ရန်ကုန် - ရတနာပုံပွဲကို ပွဲပယ် ပြစ်ဒဏ်မှ ပြန်လည် လွတ်မြောက်လာသည့် ရတနာပုံ အသင်း နည်းပြချုပ် ရီနီပြန်လည် ကိုင်တွယ်မည် ဖြစ်သည်။
ရီနီမှာ ဟံသာဝတီနှင့် ပွဲတွင် ကွင်းအတွင်း ဟံသာဝတီ ကစားသမားများနှင့် အချင်းများမှု ဖြစ်ပွား ခဲ့သည့် အတွက် တိုက်ရိုက် အနီကတ်ပြ ထုတ်ပယ်ခံ ခဲ့ရသလို နှစ်ပွဲပယ်ပြစ်ဒဏ် ချမှတ်ခံ ခဲ့ရသည်။
'' ရီနီက ရန်ကုန်နဲ့ပွဲမှာ ကွင်းအတွင်း ပြန်ကြီးကြပ်လို့ ရပါပြီ။ ဒီပွဲက နှစ်သင်းစလုံး အတွက် အရေးပါတဲ့ ပွဲဖြစ်ပြီး ချန်ပီယံဖြစ်ဖို့ ဆိုရင် ရန်ကုန်နှင့် ပွဲမှာ အမှတ်ဆုံးရှုံးလို့ မဖြစ်ပါဘူး။ ကစားသမားတွေ အားလုံး ဒီပွဲ အတွက် ကြိုးစား ကစားကြမှာပါ'' ဟု ရတနာပုံ အသင်း လက်ထောက် နည်းပြ ဦးဇော်လေးအောင်ကပြောသည်။
ရန်ကုန်ယူနိုက်တက်နှင့်ရတနာပုံအသင်းတို့မှာ မြန်မာနေရှင်နယ်လိဂ်သမိုင်းတစ်လျှောက် ၁၃ကြိမ်တွေ့ဆုံဖူးပြီး ရန်ကုန်က လေးပွဲနိုင်၊ ရတနာပုံက သုံးပွဲနိုင်ပြီး ခြောက်ပွဲ သရေကျ ထားသည်။ ရန်ကုန်ယူနိုက်တက်အသင်းနှင့် ရတနာပုံ အသင်းတို့မှာ မြန်မာနေရှင်နယ်လိဂ် သမိုင်းတစ်လျှောက် ပြိုင်ဆိုင်မှု အပြင်းထန်ဆုံး ပြိုင်ဘက်များ ဖြစ်ပြီး တွေ့ဆုံသည့် ပွဲစဉ်တိုင်း ပြိုင်ဆိုင်မှု ပြင်းထန်လေ့ ရှိသည်။
မဇ္ဈိမသတင်း by - ရဲရင့်ဋ္ဌေး
Originally published at - http://mizzimaburmese.com/article/14636
No comments:
Post a Comment