မေ ၂၈၊ လန်ဒန်
ရာသီသစ် အတွက် အာဆင်နယ် အသင်းက ပထမဆုံး ခေါ်ယူ လိုက်သည့် ဆွစ်ဇာလန် ကွင်းလယ် ကစားသမား ဇာခါသည် ရာသီသစ်တွင် ရမ်ဆေး၏ ကျောနံပါတ် ၁၆ ဂျာစီကို ၀တ်ဆင် ကစားမည် ဖြစ်သည်။
ရမ်ဆေးသည် အာဆင်နယ် အသင်းမှ ထွက်ခွာ သွားသော စပိန် ကွင်းလယ် ကစားသမား အာတီတာ၏ ကျောနံပါတ် ၈ ကို ပြောင်းလဲ ၀တ်ဆင်မည်ဖြစ်သည့် အတွက် ဇာခါက ကျော နံပါတ် ၁၆ ကို ရယူ ခဲ့ခြင်းဖြစ်သည်။ ထိုကဲ့သို့ ပြောင်းလဲ ၀တ်ဆင်မည် ဖြစ်ကြောင်းကို အာဆင်နယ် အသင်းက တွစ်တာမှ တစ်ဆင့် တရားဝင် ကြေညာ ခဲ့သည်။
ထို့အပြင် အာဆင်နယ်အသင်း၏ အဓိက ကစားသမားတစ်ဦးဖြစ်သည့် အလက်ဆစ်ဆန်းချက်ဇ်သည် ၀ါရင့်ကွင်းလယ်လူ ရိုဆစ်စကီး၏ ကျောနံပါတ် ၇ ကို ပြောင်းလဲ ၀တ်ဆင် မည်ဖြစ်သည်။
ထို့ကြောင့် လစ်လပ်သွားသည့် ဆန်းချက်ဇ်၏ ကျောနံပါတ် ၁၇ ကို ယခင်က ကျောနံပါတ် ၄၅ ၀တ်ဆင်သော လူငယ်တိုက်စစ်ကစားသမား အိုင်ဝိုဘီက ပြောင်းလဲ ၀တ်ဆင် သွားမည် ဖြစ်သည်။
ရည်ညွှန်း ဂိုးလ်ဒေါ့ကွန်း
မဇ္ဈိမသတင်း by - အောင်ငြိမ်းသွေး
Originally published at - http://mizzimaburmese.com/article/14620
No comments:
Post a Comment