မြန်မာယူ ၁၉ အသင်းဟာ လာအို အသင်းကို သရေသာ ကစားနိုင်ခဲ့ တာကြောင့် အုပ်စု တက်ဖို့ ရုန်းကန် ရတော့မှာ ဖြစ်ပါတယ်။
မြန်မာယူ ၁၉ အသင်းဟာ လာအို အသင်းကို ပထမပိုင်းမှာ ၄ ဂိုး ၁ ဂိုးနဲ့ အနိုင်ရ ခဲ့ပေမယ့် ဒုတိယ ပိုင်းမှာ မြန်မာ ကွင်းလယ်လူ သက်အောင် နှစ်ဝါတစ်နီနဲ့ အထုတ်ခံ ခဲ့ရပြီး လာအိုက သုံးဂိုး ထပ်သွင်း ခဲ့လို့ ၄ ဂိုးစီ သရေကျ ခဲ့တာဖြစ်ပါတယ်။
မြန်မာအသင်း ပါဝင်တဲ့ အုပ်စု (B) မှာ သြစတြေးလျနဲ့ ထိုင်းအသင်း တို့က သုံးပွဲ ကစား သုံးပွဲနိုင် ရမှတ် ၉ မှတ်စီ ရရှိပြီး အုပ်စုကို ဦးဆောင် ထားပါတယ်။
မြန်မာအသင်းက တပွဲနိုင် တပွဲသရေ တပွဲရှုံး ရမှတ် ၄ မှတ်၊ ကမ္ဘောဒီးယားက ၃ မှတ်၊ လာအိုက ၁ မှတ် ရရှိထား ပါတယ်။
မြန်မာအသင်းဟာ လာမယ့် စက်တင်ဘာ ၁၈ ရက်မှာ ကမ္ဘောဒီးယား၊ စက်တင်ဘာ ၂၀ မှာ ထိုင်းအသင်းတို့နဲ့ ဆက်လက် ယှဉ်ပြိုင်ရမှာ ဖြစ်ပါတယ်။
မြန်မာအသင်း အနေနဲ့ ထိုင်းက သြစတြေးလျကို ရှုံးရမယ့် အပြင် လက်ကျန်နှစ်ပွဲ စလုံးကိုလည်း အနိုင် ကစားမှ အုပ်စုတက်မှာ ဖြစ်ပါတယ်။
ဓာတ်ပုံ - myanmar-football-federation
By ဒီဗွီဘီ
Originally published at - http://burmese.dvb.no/archives/168591
No comments:
Post a Comment