စက်တင်ဘာ ၁၃ ရက်က ယှဉ်ပြိုင်တဲ့ ချန်ပီယံလိဂ် အုပ်စု ဒီ ပွဲစဉ်မှာ ဘိုင်ယန် မြူးနစ်က ရုရှား ကလပ် ရော့စ်တော့ပ်ကို ၅ ဂိုးပြတ်နဲ့ အနိုင်ရ သွားပါတယ်။
ဘိုင်ယန် အတွက် အနိုင် ဂိုးတွေကို တိုက်စစ်မှူး လီဝမ်ဒေါ့စကီး၊ သောမတ်စ် မူလာတို့က ၁ ဂိုးစီ၊ ကွင်းလယ်လူ ကင်မစ်က ၂ ဂိုးနဲ့ နောက်တန်းကစားသမား ဘာနတ်က ၁ ဂိုးစီ အသီးသီး သွင်းယူပါတယ်။
ဒီပွဲမှာ ဘိုင်ယန်မြူးနစ်ကပဲ တဖက်သတ် ဘောလုံးပိုင်ဆိုင်မှု အသာစီးယူ ကစားသွားပြီး ထိုးဖောက်ကန်သွင်းခွင့် ၁၉ ကြိမ်အထိ ရခဲ့ပါတယ်။
အုပ်စု ဒီ မှာပဲ အက်သလက်တီကို မက်ဒရစ်က အဝေးကွင်းမှာ ပီအက်စ်ဗွီကို ၁ ဂိုး ဂိုးမရှိနဲ့ အနိုင်ရသွားပါတယ်။
တီကိုအတွက် တလုံးတည်းသော အနိုင်ဂိုးကို ၄၃ မိနစ်မှာ နီဂတ်စ်က သွင်းယူပါတယ်။
အုပ်စု ဒီ က တပွဲစီ ကစားပြီးချိန်မှာ ဘိုင်ယန်မြူးနစ်က ၃ မှတ်နဲ့ ဦးဆောင်နေပြီး အက်သလက်တီကို မက်ဒရစ်က ၃မှတ်နဲ့ ဒုတိယနေရာမှာ ရှိနေပါတယ်။
by ဒီဗွီဘီ
Originally published at - http://burmese.dvb.no/archives/168229
No comments:
Post a Comment