ချန်ပီယံလိဂ် အုပ်စု စီ နောက်ဆုံး ပွဲစဉ် မှာတော့ နာမည်ကြီး ဘာစီလိုနာက ဂျာမန် ကလပ် မိုချန် ဂလာဘတ်ကို ၄ ဂိုးပြတ်နဲ့ အနိုင် ယူပြီး အုပ်စုဗိုလ် အဖြစ်နဲ့ နောက် တဆင့်ကို တက်လှမ်း သွားပါတယ်။
ဘာစီလိုနာ အတွက် အနိုင်ဂိုးတွေကို မက်ဆီ ၁ ဂိုးနဲ့ တူရန်က ဟတ်ထရစ်ဂိုး သွင်းယူ ပါတယ်။
ဒီပွဲမှာ ဒဏ်ရာကြောင့် နားနေရတာ ကြာပြီဖြစ်တဲ့ ကွင်းလယ်ကစားသမား အင်နစ်စတာ ပါဝင်ကစားသွားပါတယ်။
ဘာစီလိုနာဟာ အုပ်စုတွင်းမှာ ၁၅ မှတ်ရပြီး ရှုံးထွက်အဆင့်ကို တက်သွားတာပါ။
အုပ်စု စီ တခြားပွဲစဉ်မှာတော့ မန်စီးတီးက အိမ်ကွင်းမှာ ဆဲလ်တစ်နဲ့ ၁ ဂိုးစီ သရေကျသွားပါတယ်။
ဒီပွဲမှာ မန်စီးတီးက အရန်ကစားသမား အများစုကို အသုံးပြုသွားပါတယ်။
ဒီပွဲသရေကျပေမယ့်လည်း မန်စီးတီးက ၉ မှတ်ရပြီး အုပ်စုဒုတိယအနေနဲ့ ရှုံးထွက်အဆင့်ကို တက်ရောက်သွားပါတယ်။
From : ဒီဗွီဘီ
Originally published at - http://burmese.dvb.no/archives/178887
No comments:
Post a Comment