ကိုပါအမေရိက ဖလားပွဲ ပီရူးနှင့် အီကွေဒေါ ၂ ဂိုးစီ သရေကျ (ရုပ်သံဟိုက်လိုက်)

ဇွန် ၉ ရက်က ကိုပါ အမေရိက ပြိုင်ပွဲ အုပ်စု ခ ပွဲစဉ် အဖြစ် ပီရူးနဲ့ အီကွေဒေါတို့ ယှဉ်ပြိုင်ရာ ၂ ဂိုးစီ သရေကျ သွားပါတယ်။

ပထမပိုင်း ၅ မိနစ်မှာ ပီရူးက ခရစ္စတီယန် ကျူဘားက အဖွင့်ဂိုး စတင် သွင်းယူ ခဲ့သလို ၁၃ မိနစ်မှာ ဒုတိယ ဂိုးကို သွင်းယူပြီး ပွဲကို ဦးဆောင် ခဲ့ပါတယ်။

အီကွေဒေါကတော့ ပထမပိုင်း ၃၉ မိနစ်မှာ ချေပဂိုးသွင်းယူပြီး ပထမပိုင်းကို ၂ ဂိုး ၁ ဂိုးနဲ့ ပြီးဆုံးခဲ့ပါတယ်။

ဒုတိယပိုင်း ပွဲစပြီး ၄၉ မိနစ်မှာ အီကွေဒေါက ဒုတိယဂိုး ထပ်မံသွင်းယူခဲ့လို့ ၂ ဂိုးစီ သရေကျခဲ့ပါတယ်။

၂ ဂိုးစီ သရေကျခဲ့ပြီးနောက်ပိုင်း ၂ ဘက်အသင်း အပြန်အလှန် တိုက်စစ်တွေကြောင့် ပွဲက အကြိတ်အနယ် ရှိခဲ့ပါတယ်။

အီကွေဒေါက ပိုမိုဖိအားပေး ကစားထားသလို ပီရူးကလည်း တချက်တချက် ထိုးဖောက် တိုက်စစ်ဆင်ခဲ့ပါတယ်။

ပွဲပြီးခါနီး ပီရူးအသင်းရဲ့ အပိုင်ကန်သွင်းချက် တိုင်ထိထွက်သွားလို့ နစ်နာခဲ့ရသလို အီကွေဒေါအသင်းက ကစားသမားတဦး ၂ ၀ါ ၁ နီနဲ့ အထုတ်ခံခဲ့ရပါတယ်။

ပထမပွဲမှာ ဘရာဇီးနဲ့ သရေကျထားတဲ့ အီကွေဒေါအနေနဲ့ ဒုတိယအဆင့်ကို တက်ရောက်နိုင်ဖို့အတွက် ပီရူးကို အနိုင်ရဖို့ အားထုတ်ကစားခဲ့ပေမယ့် သရေနဲ့သာ ကျေနပ်ခဲ့ရပါတယ်။

အုပ်စု ခ မှာတော့ ဘရာဇီးအသင်းက ၂ ပွဲကစား ၄ မှတ်နဲ့ ပထမ၊ ပီရူးကလည်း ၂ ပွဲကစား ၄ မှတ်နဲ့ ဒုတိယ၊ အီကွေဒေါက ၂ ပွဲကစား ၂ မှတ်နဲ့ ဟေတီကတော့ ၂ ပွဲကစား တမှတ်မှ မရသေးပါဘူး။



by ဒီဗွီဘီ

Originally published at - http://burmese.dvb.no/archives/153883