ဇန်နဝါရီ ၂၇၊ တရုတ်။ ။ ကမ္ဘာ့ ဘောလုံး အဖွဲ့ချုပ် ဖီဖာက တရားဝင် ထုတ်ပြန်သည့် အချက် အလက် အရ ဘောလုံး လောကတွင် စီးပွားရေး အင်အား ကြီးထွား လာသည့် တရုတ်နိုင်ငံမှ တရုတ် စူပါလိဂ်သည် ၂၀၁၆ ခုနှစ် အတွင်း ပဉ္စမမြောက် ငွေကြေး အသုံးစွဲဆုံး လိဂ်တစ်ခုဖြစ်လာသည်။
မကြာသေးသည့် လများ အတွင်း ဒီယေဂိုကော်စတာ၊ ဝိန်းရွန်နီတို့ ကဲ့သို့သော ထိပ်တန်း ကစားသမား များကိုပင် ခေါ်ယူရန် ကြိုးပမ်း ခဲ့ကြသည့် တရုတ် စူပါလိဂ်မှ ကလပ်များ၏ ၂၀၁၆ ခုနှစ် ပြက္ခဒိန်နှစ် အတွင်းအသုံးစရိတ်မှာ ပေါင် ၃၅၆ သန်း ရှိခဲ့သည်။
ယင်းမှာ ပေါင် ၁ ဘီလီယံသုံးထားသည့် အင်္ဂလန်ပရီးမီးယားလိဂ်၊ ပေါင် ၄၅၅ သန်းသုံးထားသည့် ဂျာမနီ ဘွန်ဒက်စ်လီဂါ၊ ပေါင် ၄၀၁ ဒသမ ၈ သန်းသုံးထားသည့် စပိန် လာလီဂါ၊ ပေါင် ၄၀၁ ဒသမ ၇ သုံးထားသည့် အီတလီ စီးရီးအေ တို့ပြီးနောက် အများဆုံးပမာဏဖြစ်သည်။
တရုတ်အနေဖြင့် ဘောလုံးအင်အားကြီးနိုင်ငံများဖြစ်သည့် ပြင်သစ်၊ ပေါ်တူဂီနှင့် ရုရှတို့ကိုပင် ကျော်ဖြတ်နိုင်ခဲ့ခြင်းဖြစ်သည်။
သုံးစွဲငွေ ပမာဏမှာ ပြည်ပ ကစားသမားခေါ်ယူမှု အပေါ်တွင်သာ တွက်ချက် ထားခြင်းဖြစ်ပြီး ပြည်တွင်း အပြောင်းအရွှေ့များကို ထည့်တွက် ထားခြင်းမရှိပေ။
ကမ္ဘာကျော်ကစားသမားအချို့တရုတ်စူပါလိဂ်သို့ ပြောင်းရွှေ့နေကြပြီး ချယ်လ်ဆီးကွင်းလယ်လူ အော်စကာမှာအထင်ရှားဆုံး ဖြစ်ကာ တရုတ် ကလပ်များ၏ နိုင်ငံတကာအပြောင်းအရွှေ့အသုံးစရိတ်မှာ တစ်နှစ်ထက်တစ်နှစ်တိုးမြင့်လာနေသည်။
ငွေအသုံးဆုံးလိဂ်အဖြစ် အဆင့် ၆ နေရာတွင်ရှိနေသည့် ပြင်သစ်၏အသုံးစရိတ်မှာ ပေါင် ၁၆၄ ဒသမ ၄ သန်းသာရှိသဖြင့် တရုတ်၏အသုံးစရိတ်နှင့် ထက်ဝက်ကျော်နည်းပါးနေသည်။
Ref; Daily Mail
From : မဇ္ဈိမ မီဒီယာ by ဝေဘုန်းဘူ
Originally published at - http://mizzimaburmese.com/article/22849
No comments:
Post a Comment