ဇန်န၀ါရီ ၁၁၊ ဇူးရစ် ။ ။ ကမ္ဘာ့ဖလား ပြိုင်ပွဲဝင် အသင်း အရေ အတွက် တိုးလိုက်ခြင်းမှာ ငွေကြေး အကျိုး အမြတ်ကြောင့် မဟုတ်ကြောင်း ဖီဖာ ဥက္ကဋ္ဌ အင်ဖန်တီနိုက ပြောဆို လိုက်သည်။
ကမ္ဘာ့ဘောလုံး အဖွဲ့ချုပ် (ဖီဖာ) သည် ပြီးခဲ့သည့် အင်္ဂါနေ့က ဇူးရစ်မြို့တွင် အစည်း အဝေး ပြုလုပ်ခဲ့ပြီး ကမ္ဘာ့ဖလား ပြိုင်ပွဲဝင် အသင်း အရေ အတွက်ကို ၃၂ သင်းမှ ၄၈ သင်းသို့တိုးမြှင့်ရန် မဲခွဲ ဆုံးဖြတ် ခဲ့ကြသည်။
နောက်ဆုံး ၄၈ သင်းသို့ တိုးမြှင့်ရန် အတည်ပြုနိုင် ခဲ့ပြီး ၂၀၂၆ ကမ္ဘာ့ဖလားမှ စတင်ကာ ပြိုင်ပွဲဝင် အသင်းအရေ အတွက် တိုးမြှင့် သွားမည် ဖြစ်သည်။
ပြိုင်ပွဲပုံစံမှာ ၄၈ သင်းကို ၃ သင်း ၁၆ အုပ်စု ခွဲဝေပြီး ၃၂ သင်းက နောက်တစ်ဆင့် တက်ရောက်ကာ အဆင့်ဆင့် ယှဉ်ပြိုင်သွားမည် ဖြစ်သည်။ ထိုကဲ့သို့ အသင်း အရေ အတွက် တိုးလိုက် ခြင်းကြောင့် ၀င်ငွေမှာ ပေါင် ၅.၂၉ ဘီလီယံ အထိ တိုးလာမည် ဖြစ်ပြီး အမြတ်ငွေမှာ ပေါင် ၅၁၂ သန်းလောက် အထိ ရရှိမည် ဖြစ်သည်။
သို့သော် ဖီဖာ ဥက္ကဋ္ဌ အင်ဖန်တီနိုက ‘ဝေဖန်နေ ကြသလိုမျိုး မဟုတ်ပါဘူး။ ဒါက ဘောလုံးနဲ့ ဆိုင်တဲ့ ဆုံးဖြတ်ချက်ပါ။ ပြိုင်ပွဲ ပုံစံတိုင်းက ငွေကြေး ဆိုင်ရာ အကျိုး အမြတ်ကိုပဲ ဦးတည် ကြတာပါ။ ကျွန်တော်တို့ရဲ့ အပြောင်း အလဲက အားကစားကို အခြေခံတဲ့ အပြောင်း အလဲဖြစ်လို့ အားလုံး အေးအေးဆေးဆေးပါပဲ။
သမိုင်းဝင် ဆုံးဖြတ်ချက်နဲ့ ကမ္ဘာ့ဖလားပြိုင်ပွဲကြီးက ၂၁ ရာစုထဲကို တိုးဝင်လာမှာပါ’ ဟု ပြောဆိုခဲ့သည်။
ရည်ညွှန်း ဘီဘီစီ
From : မဇ္ဈိမ မီဒီယာ
Originally published at - http://mizzimaburmese.com/article/22187
No comments:
Post a Comment