ရီးယဲလ် မက်ဒရစ်မှ နယ်သာလန် ကလပ် ဟီရန်ဗင်း အသင်းဆီ ၂၀၁၈ ခုနှစ် အထိ အဌားနဲ့ ပြောင်းရွှေ့သွားတဲ့ နော်ဝေ လူငယ် ကြယ်ပွင့် မာတင် အော်ဒီဂတ်ကို အသင်းက အင်္ဂါနေ့မှာ မိတ်ဆက် ခဲ့ပါတယ်။
"ဒီအဌားနဲ့ အပြောင်း အရွှေ့ဟာ ကျနော်ရဲ့ တိုးတက်မှု ဆက်လက် ဖြစ်ပေါ်စေဖို့ အကောင်းဆုံး ဆုံးဖြတ်ချက်ပါ"လို့ အော်ဒီဂတ်က သတင်းထောက်တွေကို ပြောပါတယ်။
အသက် ၁၈ နှစ်အရွယ် ကွင်းလယ်လူဟာ နော်ဝေရဲ့ Stromsgodset အသင်းကနေ ရီးယဲလ်အသင်းဆီ ၂၀၁၅ ခုနှစ် ဇန်နဝါရီလမှာ ရောက်ရှိခဲ့ပြီး ရီးယဲလ်လူငယ်အသင်းမှာ ကစားခဲ့ပါတယ်။
အော်ဒီဂတ်ဟာ ရီးယဲလ် ပထမအသင်းနဲ့ ပါဝင်ခွင့် ရရှိဖို့ ခက်ခဲခဲ့ပြီး ၂၀၁၅ ခုနှစ် မေ ၂၃ ရက်နေ့က ဂီတာဖေးနဲ့ ပွဲစဉ်မှာ သူဟာ ပထမဆုံး ပွဲထက်ခွင့်ရခဲ့တာကြောင့် အသက် ၁၆ နှစ်နဲ့ ၁၅၆ ရက်ဖြင့် အသင်းရဲ့ သမိုင်းကြောင်းမှာ အသက်အငယ်ဆုံး ကစားသမားဖြစ်လာပါတယ်။
"ပထမအသင်းမှာ ကစားသမားကောင်းများစွာ ရှိနေလို့ ပွဲထွက်ခွင့်အတွက် အခက်အခဲအရ ရီးယဲလ်အသင်းကနေ ထွက်ခွာဖို့ ဆုံးဖြတ်ခဲ့ပါတယ်"လို့ မာတင် အော်ဒီဂတ်က ပြောပါတယ်။
"ကျနော် ဟီရန်ဗင်းအသင်းနဲ့ ပူးပေါင်းရတာ အလွန်ပျော်ရွှင်ပါတယ်။ ဒီအသင်းမှာ ကျနော်ရဲ့ စွမ်းရည်တွေကို ပြသဖို့ အခွင့်အရေးတစ်ခု ရှိနေမှာဖြစ်ပါတယ်"လို့ နော်ဝေကစားသမားက ပြောပါတယ်။
© EFE_EPA
(ဓာတ်ပုံ - အီးပီအေ)
From : မဇ္ဈိမ မီဒီယာ
Originally published at - http://mizzimaburmese.com/article/22185
No comments:
Post a Comment