အဲဗာတန်ဟာ မန်ယူ ကွင်းလယ် ကစားသမား ရှနိုက် ဒါလင်ကို ပေါင် ၂၂ သန်းနဲ့ ခေါ်ယူ စာချုပ်နိုင်ဖို့ သဘော တူညီမှု ရရှိခဲ့ ပြီလို့ Sky Sports က ဖော်ပြ ထားပါတယ်။
ရှနိုက်ဒါလင်ဟာ ဒီအပတ်ထဲ ဆေးစစ်ခံယူဖို့ မျှော်လင့်ရပြီး သူ့ရဲ့ နည်းပြဟောင်း ကိုးမန်းနဲ့ ပြန်လည် လက်တွဲခွင့် ရတော့မှာဖြစ်ပါတယ်။
၂၀၁၅ ခုနှစ် နွေရာသီတုန်းက နည်းပြဗန်ဟားက ပေါင် ၂၄ သန်း ပြင်သစ် လက်ရွေးစင် ကစားသမားကို မန်ယူဆီ ခေါ်ဆောင် လာခဲ့တာဖြစ်ပါတယ်။ ဒါပေမယ့် ရှနိုက်ဒါလင်ဟာ နည်းပြ မော်ရင်ဟို လက်အောက် မှာတော့ ပွဲထွက်ခွင့် ပျောက်ဆုံးနေပြီး ဒီရာသီ ပရီးမီးယားလိဂ်မှာ ၃ ပွဲသာ ကစားခဲ့သူ ဖြစ်ပါတယ်။
ရှနိုက်ဒါလင်ရဲ့ ပြောင်းရွှေ့ကြေးနဲ့ ပတ်သက်လို့ မန်ယူအနေနဲ့ အပိုဆုကြေး အပါအဝင် ပေါင် ၂၄ သန်းထိ ရရှိနိုင်ခြေ ရှိတယ်လို့ သိရပါတယ်။
နည်းပြ ကိုးမန်းအနေနဲ့ အခြားမန်ယူကစားသမား တစ်ဦးဖြစ်တဲ့ ဒီဘိုင်းကို ခေါ်ယူဖို့ စိတ်အားထက်သန်နေတယ်လို့ သိရပါတယ်။
Ref; Sky Sports
From : မဇ္ဈိမ မီဒီယာ
Originally published at - http://mizzimaburmese.com/article/22182
No comments:
Post a Comment