ကွန်ဖက်ဒရေးရှင်း ဖလား ဂျာမနီနှင့် ချီလီ ဆီမီးဖိုင်နယ်တက် (ရုပ်သံဟိုက်လိုက်)

မနေ့ ညက ယှဉ်ပြိုင် သွားတဲ့ ကွန်ဖက် ဒရေးရှင်း ဖလား အုပ်စုဘီ နောက်ဆုံး ပွဲစဉ်မှာ ဂျာမနီနဲ့ ချီလီ အသင်းတို့ ဆီမီး ဖိုင်နယ်ကို တက်ရောက် သွားပါတယ်။

ဂျာမနီနဲ့ ကင်မရွန်းတို့ ပွဲစဉ် မှာတော့ ဂျာမနီက ၃ ဂိုး ၁ ဂိုးနဲ့ အနိုင်ရ သွားပါတယ်။

ဂျာမနီ အတွက် အနိုင်ဂိုးတွေကို ဒီမာဘေးက ၁ ဂိုးနဲ့ ဝါနာက ၂ ဂိုး သွင်းယူပြီး ကင်မရွန်းအတွက် ချေပဂိုး ၁ ဂိုးကိုတော့ တိုက်စစ်မှူး အဘူဘာကာက သွင်းယူပါတယ်။

ဂျာမနီအသင်းဟာ ၇ မှတ်ရပြီး အုပ်စုဗိုလ်အဖြစ်နဲ့ ဆီမီးဖိုင်နယ်ကို တက်ရောက်သွားပါတယ်။

ဆီမီးမှာတော့ ဂျာမနီဟာ တဘက်အုပ်စုက ဒုတိယဖြစ်တဲ့ မက္ကဆီကိုအသင်းနဲ့ ရင်ဆိုင်ရမှာ ဖြစ်ပါတယ်။



ချီလီနဲ့ သြစတြေးလျ အသင်းတို့ ပွဲစဉ်မှာတော့ ၁ ဂိုးစီ သရေကျသွားပါတယ်။ သြစတြေးလျအသင်းက ၄၂ မိနစ်မှာ ဦးဆောင်ဂိုး သွင်းယူခဲ့ပေမယ့် ၆၈ မိနစ်မှာ ရော်ဂီဂွတ်က ချီလီအတွက် ချေပဂိုး သွင်းယူပေးခဲ့ပါတယ်။

ဒီပွဲသရေကျလို့ ချီလီက ၅ မှတ်ရပြီး အုပ်စု ဒုတိယနေရာကနေ ဆီမီးဖိုင်နယ်ကို တက်ရောက်သွားပါတယ်။

ချီလီဟာ ဆီမီးမှာ တဘက်အုပ်စုက အုပ်စုဗိုလ်ဖြစ်တဲ့ ပေါ်တူဂီအသင်းနဲ့ ဆုံရမှာပါ။



From : ဒီဗွီဘီ

Originally published at - http://burmese.dvb.no/archives/214447