ဖေဖော်ဝါရီ ၂၃၊ အင်္ဂလန်
အာဆင်နယ် အသင်းမှ ထွက်ခွာ တော့မည်ဟု သတင်းကြီး နေသည့် နည်းပြ အာစင်ဝင်းဂါးက ၎င်းအနေဖြင့် အမ်းမရိတ် ကွင်းကြီးအား စွန့်ခွာဖြစ် ခဲ့လျှင်တောင် တရုတ်သို့ သွားမည် မဟုတ်ဘဲ ဥရောပ အသင်း တစ်သင်းတွင်သာ နည်းပြ သွားမည်ဖြစ်ကြောင်း ပြောဆို လိုက်သည်။
အာဆင်နယ် အသင်းနှင့် အာစင်ဝင်းဂါးတို့ ချုပ်ဆို ထားသော စာချုပ်မှာ ယခုနှစ်ရာသီ အကုန်တွင် ကုန်ဆုံးတော့မည် ဖြစ်သည်။
ယခုနှစ်ရာသီတွင် အာဆင်နယ်အသင်း၏ဆိုးရွားနေသည့် အခြေအနေများကြောင့် ပရိသတ်များမှာ အပြောင်းအလဲပြုလုပ်ရန် အလိုရှိနေကြသည်။
ဆုဖလားလက်မဲ့ဖြစ်သွားနိုင်သည့် အသင်း၏ အခြေအနေကို အာဆင်နယ်အသင်းရော အာစင်ဝင်းဂါးတို့ပါ စောင့်ကြည့်နေကြပြီး ပြင်သစ်လူမျိုးနည်းပြကြီး၏ အနာဂတ်မှာ မသေမချာ ဖြစ်လျက်ရှိသည်။
လက်ရှိတွင် ငွေကြေးများစွာသုံးစွဲနိုင်သည့် တရုတ်စူပါလိဂ်အသင်းများသည် ၀င်းဂါးကဲ့သို့ သမိုင်းကြောင်းကောင်းသော နည်းပြမျိုးကို အလိုရှိနေပြီး လက်ရှိရရှိနေသော လစာငွေထက်များစွာပိုပေးရန်လည်း အသင့်ရှိနေကြသည်။
သို့သော် ၀င်းဂါးက ပြိုင်ဆိုင်မှုပြင်းထန်သည့် ဥရောပဘောလုံးပြိုင်ပွဲများ၌သာ ဆက်လက်နည်းပြသွားလိုလျက်ရှိသည်။ ဥရောပ၏ထိပ်သီးအသင်းကြီးများဖြစ်သော ရီးယဲလ်၊ ဘာစီလိုနာနှင့် ပီအက်စ်ဂျီအသင်းများမှာ ၀င်းဂါးကို ခေါ်ယူလိုခဲ့ဖူးသည့် အသင်းများဖြစ်ကြသည်။
ရည်ညွှန်း ဒေးလီးမေးလ်
From : မဇ္ဈိမ မီဒီယာ by အောင်ငြိမ်းသွေး
Originally published at - http://mizzimaburmese.com/article/23863
No comments:
Post a Comment