အာဆင်နယ် အသင်းဟာ ကွင်းလယ် ကစားသမား ရမ်ဆေးကို စာချုပ် သက်တမ်း တိုးဖို့ ပြင်ဆင် နေပါတယ်။
ဝေးလ် လက်ရွေးစင် ကစားသမား အာရွန် ရမ်ဆေးဟာ အာဆင်နယ် အသင်းနဲ့ ၂ နှစ် စာချုပ် သက်တမ်းပဲ ကျန်ရှိတော့တာပါ။
ဒီနှစ်မှာ စာချုပ် သက်တမ်း တိုးဖို့ အဆင်မပြေ ခဲ့ဘူးဆိုရင် ဆန်းချက်ဇ်နဲ့ အိုဇေးလ်တို့လို စာချုပ် သက်တမ်း တိုးဖို့ အဆင်မပြေဖြစ်မှာကို အာဆင်နယ် အသင်းက စိုးရိမ်နေတာပါ။
အာဆင်နယ်အသင်းရဲ့ အဓိက ကစားသမားတွေဖြစ်တဲ့ အိုဇေးလ်နဲ့ ဆန်းချက်ဇ်တို့ဟာ စာချုပ်သက်တမ်း ၁ နှစ်ပဲ ကျန်ရှိတော့တာကြောင့် ဒီနှစ်မှာ သက်တမ်း တိုးဖို့ အဆင်မပြေခဲ့ဘူးဆိုရင် လာမယ့်နှစ်မှာ အလွတ်ပြောင်းရွှေ့ကြေးနဲ့ ထွက်ခွာခွင့်ပေးရမှာပါ။
ဒီလိုအခြေအနေ မတွေ့ကြုံရဖို့အတွက် အာရွန်ရမ်ဆေးကို စာချုပ်သက်တမ်းတိုးဖို့ ဆွေးနွေးသွားမှာဖြစ်ပြီး လုပ်ခလစာလည်း တိုးမြှင့်ပေးရဖွယ် ရှိနေပါတယ်။
အသက် ၂၆ နှစ်အရွယ် ကွင်းလယ်ကစားသမား ရမ်ဆေးဟာ ပြီးခဲ့တဲ့ရာသီက အာဆင်နယ်အသင်းအတွက် စုစုပေါင်း ၃၂ ပွဲ ကစားခဲ့ပြီး ၄ ဂိုး သွင်းခဲ့ပါတယ်။
From : ဒီဗွီဘီ
Originally published at - http://burmese.dvb.no/archives/213848
No comments:
Post a Comment