အာရှ ယူ-၁၉ ခြေစစ်ပွဲ မြန်မာပရိတ်သတ် လုပ်ရပ် (MFF) ထံ ဖြေရှင်းချက် တောင်း

မြန်မာနှင့် ဟောင်ကောင် ပွဲတွင် ကွင်းအတွင်း ၀င်ရောက်လာသည့် ပရိသတ် တစ်ဦး (ဓာတ်ပုံ - ညီညီစိုးညွှန့်)
အာရှ ဘောလုံး အဖွဲ့ချုပ် (AFC) သည် မြန်မာနိုင်ငံက အိမ်ရှင် အဖြစ် လက်ခံ ကျင်းပ ခဲ့သည့် အာရှ ယူ-၁၉ ခြေစစ်ပွဲ အုပ်စု (G) ပွဲစဉ်များ ဖြစ်သည့် မြန်မာ - ဟောင်ကောင်၊ မြန်မာ - ဗီယက်နမ် ပွဲတို့မှ ပရိသတ် များ၏ အပြုအမူနှင့် ပတ်သက်၍ မြန်မာနိုင်ငံ ဘောလုံး အဖွဲ့ချုပ် (MFF)ထံ ဖြေရှင်းချက် တောင်းခံ ထားကြောင်း သိရသည်။

မြန်မာအသင်းနှင့် ဟောင်ကောင် အသင်းတို့ ပွဲတွင် မြန်မာ ပရိသတ် တစ်ဦးမှာ ကွင်း အတွင်းသို့ ၀င်ရောက် ခဲ့ပြီး မြန်မာ အသင်းနှင့် ဗီယက်နမ် အသင်းတို့ ပွဲတွင်လည်း ဆိုးသွမ်း ပရိသတ် အချို့မှာ ကွင်း အတွင်းသို့ ရေဘူးများ၊ ပလတ်စတစ် အိတ်များဖြင့် ပစ်ပေါက် ခဲ့ရာ AFC စည်းကမ်း ထိန်းသိမ်းရေး ကော်မတီက ဖြေရှင်းချက် တောင်းခံ ထားခြင်းဖြစ်သည်။

MFF သည် ယင်းဖြစ်ရပ် အတွက် ယခုရက်ပိုင်း အတွင်း ဖြေရှင်းချက် ပေးရမည် ဖြစ်ပြီး AFCက စုံစမ်း စစ်ဆေးကာ အရေးယူမှု ပြုလုပ် သွားမည် ဖြစ်သည်။

AFC သည် ပြီးခဲ့သည့် ၂၀၁၄ ခုနှစ်ကကျင်းပ ခဲ့သည့် အာရှ ယူ - ၁၉ ချန်ပီယံရှစ် ပြိုင်ပွဲတွင်လည်း ပရိသတ်များ ကွင်းအတွင်း ၀င်ရောက် အောင်ပွဲခံခြင်း၊ ကွင်းအတွင်းသို့ အရာဝတ္ထု များဖြင့် ပစ်ပေါက် ခဲ့ခြင်းတို့ကြောင့် မြင့်မားသည့် ဒဏ်ကြေး ငွေများ အပါအ၀င် ကွင်းပိတ် ပြစ်ဒဏ် တစ်ပွဲ ချမှတ် ခဲ့ရာ ယခု ၂၀၁၆ အာရှ ယူ - ၁၉ ခြေစစ်ပွဲ၏ အဖွင့် ပွဲစဉ် ဖြစ်သည့် မြန်မာ အသင်းနှင့် ဘရူနိုင်း အသင်းတို့ ပွဲကို ပရိသတ် မပါဘဲ ကွင်းပိတ် ကစားခဲ့ ရကြောင်း သိရသည်။

မြန်မာဘောလုံး ပရိသတ် အချို့၏ အလွန် အကြူး အားပေးမှု များကြောင့် AFC မှ ကြီးမှူး ကျင်းပမည့် နိုင်ငံတကာ ပြိုင်ပွဲများကို အိမ်ရှင် အဖြစ် လက်ခံ ကျင်းပနိုင်ရန် လွယ်ကူ တော့မည် မဟုတ်ကြောင်း သိရသည်။

မြန်မာ့လက်ရွေးစင် အသင်း ၀င်ရောက် ယှဉ်ပြိုင်လျက် ရှိသည့် ကမ္ဘာ့ဖလား ခြေစစ်ပွဲကိုလည်း အိမ်ကွင်း ပိတ်ခံ ထားရသောကြောင့် ကြားကွင်း၌ ကစားနေ ရသည်။

Original link - http://news-eleven.com/sports/