ရခိုင်ယူနိုက်တက် အသင်း နည်းပြချုပ် ဦးဝင်းတင်အား ပြီးခဲ့သည့် ဘောလုံး ရာသီ၌ တွေ့ရစဉ် (ဓာတ်ပုံ-ရွှေဘုတ်)
နိုဝင်ဘာ ၂၁၊ ရန်ကုန်။။
မြန်မာ နေရှင်နယ်လိဂ်-၁ တွင် ယှဉ်ပြိုင် ကစားနေသည့် ရခိုင် ယူနိုက်တက် အသင်းသည် နည်းပြချုပ် ဦးဝင်းတင် အနေဖြင့် ပြီးခဲ့သည့် ဘောလုံး ရာသီက လိုအပ်သည့် ရလဒ်ပိုင်း မရရှိသည့် အတွက် လမ်းခွဲ လိုက်သည် ဟု တရားဝင်သတင်း ထုတ်ပြန် လိုက်သည်။
ဦးဝင်းတင်သည် ၂၀၁၃ ဒီဇင်ဘာတွင် ဟံသာဝတီ အသင်းမှ ရခိုင်ယူနိုက်တက် အသင်းသို့ ပြောင်းရွေ့လာခဲ့ကာ ၂၀၁၄ ဘောလုံး ရာသီတွင် မြန်မာ နေရှင်နယ်လိဂ်-၁ သို့ တန်းပြန် တက်နိုင်အောင် စွမ်းဆောင် ပေးခဲ့သည့် နည်းပြ တစ်ဦး ဖြစ်သည်။
“ ဦးဝင်းတင်ကို ပြီးခဲ့တဲ့ ရာသီ အသင်းရဲ့ လိုအပ်တဲ့ ရလဒ်ပိုင်း မရရှိခဲ့တဲ့ အတွက် လမ်းခွဲဖို့ အသင်းက ဆုံးဖြတ် ခဲ့တာပါ။ နှစ်ဦး သဘောတူ လမ်းခွဲ တာမျိုးပါ ဘာပြဿနာမှ မရှိပါဘူး။
သူ့နေရာမှာ လက်ထောက် နည်းပြ ဦးအောင်ဇော်မျိုးကို လာမယ့်ရာသီ နည်းပြချုပ် အဖြစ် တာဝန်ပေး သွားမှာပါ။ အသင်းက လက်ရှိမှာတော့ နိုင်ငံခြားသား ကစားသမား အသစ်တွေ ခေါ်ဖို့ ချိတ် ထားပါတယ်။ မနှစ်က နောက်ခံလူ ဘားနက်ချော တစ်ယောက်ပဲ စာချုပ် သက်တမ်း တိုးသွားမှာပါ။ ကစားသမားသစ် ခေါ်ယူမှုကိုတော့ သေချာရင် သတင်း ထုတ်ပြန်ပေး ပါ့မယ် ” ဟု ရခိုင် အသင်း မီဒီယာ တာဝန်ခံ ကိုသက်ထူးနိုင်ဦးက ပြောသည်။
ရခိုင် ယူနိုက်တက် အသင်းသည် လက်ရှိတွင် ပြီးခဲ့သည့် ရာသီတွင် အသင်း၌ ခြေစွမ်းပြ ခဲ့သည့် ပဏာမ လက်ရွေးစင် တိုက်စစ်မှူး ပြည်မိုးအား ဇေယျာရွှေမြေအ သင်းသို့ ပြောင်းရွေ့ခွင့် ပြုခဲ့သည့် အပြင် ဘရာဇီး ကွင်းလယ်လူ မာစီယိုဆန်းတို့စ်နှင့် ဂျပန် ဂိုးသမားဂျန်ခိုးရှီ တို့ကိုလည်း စာချုပ် သက်တမ်း ထပ်မံ တိုးမြှင့်ခြင်း မရှိခဲ့ပေ။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/7711
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment