ဧရာဝတီ ယူနိုက်တက် နည်းပြချုပ် မာယန်အား မြန်မာနေရှင်နယ်လိဂ် ပွဲစဉ် တစ်ပွဲ၌ တွေ့ရစဉ် (ဓာတ်ပုံ-ရွှေဘုတ်)
နိုဝင်ဘာ ၂၁၊ ရန်ကုန်။။
မြန်မာ နေရှင်နယ်လိဂ် ကလပ် ဧရာဝတီ ယူနိုက်တက် အသင်းသည် မက်ဆီဒိုးနီးယား လူမျိုး နည်းပြချုပ် မာယန် ကို လာမည့် ရာသီတွင် အသုံး စရိတ် လျော့ချမည် ဖြစ်သည့် အတွက် စာချုပ် သက်တမ်း တစ်နှစ် ကျန်ရှိနေ သေးသော်လည်း အသင်းမှ ထုတ်ပယ် လိုက်ပြီဟု အသင်း မီဒီယာ တာဝန်ခံ ကိုအောင်ကျော်ကျော်မှ ပြောသည်။
မာယန်သည် ဧရာဝတီ အသင်းကို ၂၀၁၂- ၂၀၁၃ရာသီတွင် ပထမ အကြိမ် ကိုင်တွယ် ဖူးသလို ၂၀၁၅ ဘောလုံး ရာသီတွင်လည်း ဒုတိယ အကြိမ်မြောက် တာဝန်ယူ၍ ဗိုလ်ချုပ် အောင်ဆန်းဒိုင်း ရယူ ပေးခဲ့ကာ ၂၀၁၆ AFC Cuo ပြိုင်ပွဲ ၀င်ခွင့် ရအောင် စွမ်းဆောင်ပေးနိုင်ခဲ့သည်။
“ မာယန်က အသင်းနှင့် ဘာပြဿနာမှ မရှိပါဘူး။ အသင်းရဲ့ အသုံးစရိတ် လျော့ချဖို့ အတွက် ထုတ်ပယ် လိုက်ရတာပါ။ စာချုပ် တစ်နှစ်ကျန်သေးတဲ့ အတွက် ဘယ်လို ညှိနိုင်းရမလဲ ဆိုတာ ကိုတော့ သူ့အေးဂျင့်နဲ့ ညှိနှိုင်း ရဦးမှာပါ။
လောလောဆယ်တော့ သူ့နေရာကို ပြည်တွင်း နည်းပြ တစ်ဦး ထားဖို့ အသင်း ပိုင်ရှင်ကတော့ ပြောထားပါတယ်။ ဘယ်သူဖြစ် မလဲတော့ မသေချာသေးပါဘူး။ နိုင်ငံခြားသား ကစားသမား သစ်တွေလည်း လာမယ့် ၂၇ ရက်ဆို ငါးယောက်လောက် လာစမ်းဖို့ ရှိပါတယ်။ အနည်းဆုံး သုံးယောက်လောက် ခေါ်ဖို့တော့ မှန်းထားပါတယ် ” ဟု ကိုအောင်ကျော်ကျော်မှ ပြောသည်။
ဧရာဝတီ အသင်းသည် ၂၀၁၅ ဘောလုံး ရာသီ အကုန်တွင် ပြီးခဲ့သည့် ရာသီမှ နိုင်ငံခြားသား ကစားသမား လေးဦးလုံးအား စာချုပ် သက်တမ်း ထပ်မံ တိုးမြှင့်ခြင်း မရှိသည့် အပြင် လက်ရွေးစင် ကစားသမား အချို့လည်း ပြောင်းရွေ့ရန် သတင်းများ ထွက်ပေါ်လျက် ရှိသည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/7712
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment