လက်ရွေးစင် အသင်းနဲ့ အတူ လေ့ကျင့် နေသည့် ရန်အောင်လင်း (ဓာတ်ပုံ-MFF)
နိုဝင်ဘာ ၅၊ ရန်ကုန်။ ။
ဟံသာဝတီကလပ်အသင်းမှ မြန်မာ့လက်ရွေးစင်ဂိုးသမား ရန်အောင်လင်းသည် ၂၀၁၆ ဘောလုံးရာသီတွင် ရတနာပုံ အသင်းသို့ပြောင်းရွှေ့ကစားရန် သဘော တူညီမှု ရခဲ့ပြီး နှစ်နှစ်စာချုပ် ချုပ်ဆိုနိုင်ခဲ့ပြီဖြစ်သည်။
ရန်အောင်လင်းသည် ဟံသာဝတီယူနိုက်တက်လူငယ်အသင်းမှ ပေါ်ထွက်လာပြီး ၂၀၁၃ ဆီးဂိမ်းမှ စတင်ကာ လက်ရှိအချိန်အထိ မြန်မာ့လက်ရွေးစင်အသင်းတွင် ရွေးချယ်ခံခဲ့ရသည့် ကစားသမားတစ်ဦး ဖြစ်သည်။
“ ရန်အောင်လင်းကို ရတနာပုံအသင်းက ခေါ်ယူတယ်ဆိုတာ ဟုတ်ပါတယ်။ လာမယ့်နှစ်မှာ ပြောင်းဖို့ သဘောတူထားတာပါ။ စာချုပ်လည်း ချုပ်ပြီးပါပြီ။ စာချုပ်သက်တမ်းကတော့ နှစ်နှစ် စာချုပ်ပါ။ လောလောဆယ်တော့ သူက လက်ရွေးစင်အသင်းနဲ့ ဟောင်ကောင်မှာ ခြေစမ်းဖို့ ပါသွားပါတယ်။ ကိုရီးယား၊ ကူဝိတ်နဲ့ ပွဲတွေပြီးရင်တော့ ပြန်လာမှာပါ။ ပြန်လာပြီးမှ ရတနာပုံအသင်းနဲ့ ပူးပေါင်းဖို့ စီစဉ်သွားမှာပါ ” ဟု ရန်အောင်လင်း၏ ဇနီးဖြစ်သူ မမိုးမြတ်မြတ်က ပြောသည်။
ရတနာပုံအသင်းတွင် ဂိုးသမား သီဟစည်သူမှာ နည်းပြနှင့် အဆင်မပြေ၍ ပွဲထွက်ခွင့်မရပဲ လာမည့်နှစ်တွင် အသင်းနှင့် လမ်းခွဲမည် ဖြစ်ပြီး အရန်ဂိုးသမား ညီညီလွင်နှင့် ပြည့်လျှံအောင် တို့သာ ပွဲထွက်ဂိုးသမားအဖြစ် ကစားလျက်ရှိသည်။
ရန်အောင်လင်းသည် လက်ရှိတွင် မြန်မာ့လက်ရွေးစင်အသင်းနှင့်အတူ ဟောင်ကောင်နိုင်ငံသို့ ထွက်ခွာသွားပြီး နိုဝင်ဘာ ၇ ရက်တွင် ဟောင်ကောင်လက်ရွေးစင်အသင်းနှင့် ခြေစမ်းပွဲ ယှဉ်ပြိုင်ကစားရမည် ဖြစ်သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/6991
| ဒီပို့စ်လေးကို နှစ်သက်တယ်ဆိုရင် | လုပ်နိုင်ပါတယ်။ |
No comments:
Post a Comment