ကမ္ဘာ့ဖလား ခြေစစ်ပွဲ အဖြစ် ကိုရီးယားနှင့် မြန်မာအသင်း ကစားနေစဉ်
၂၀၁၆ ဆူဇူကီး ပြိုင်ပွဲနှင့် ၂၀၁၉ အာရှ ဖလား ခြေစစ် ပွဲစဉ်များ အတွက် အကြို ပြင်ဆင်မှု အနေဖြင့် မြန်မာ့ လက်ရွေးစင် ဘောလုံး အသင်းနှင့် ဂျပန် လက်ရွေးစင် အသင်းတို့ ၂၀၁၆ စက်တင်ဘာလ အတွင်း ခြေစမ်း ကစားရန်နှစ်ဖက် ဘောလုံး အဖွဲ့ချုပ်များ ညှိုနှိုင်း နေသည်။
မြန်မာအသင်းမှာ အိမ်ရှင်အဖြစ်လက်ခံကျင်းပမည့် ၂၀၁၆ဆူဇူကီးပြိုင်ပွဲတွင် အောင်မြင်မှုရရန်အတွက် ၂၀၁၆ခုနှစ်အတွင်း စင်ကာပူ၊ဟောင်ကောင်၊ မကာအို၊ ဂျပန်စသည့် အသင်းများနှင့် ခြေစမ်းပွဲကစားရန် စီစဉ်ထားသလို ဂျာမနီနိုင်ငံသို့သွားရောက်နေထိုင်လေ့ကျင့်ရန်လည်း စီစဉ်ထားသည်။
“ဂျာမနီမသွားခင်မှာ ဂျပန်ကိုဝင်ပြီးခြေစမ်းပွဲကစားမှာပါ။ လက်ရွေးစင်အသင်းနဲ့ကစားဖို့ဂျပန်ဘောလုံးအဖွဲ့ချုပ်နဲ့ညှိုနှိုင်းနေပါတယ်။ သူတို့ဘက်ကလည်း သဘောတူထားပါတယ်။ ဖီဖာပြက္ခဒိန်ရက်အတွင်းမှာကစားမှာပါ။”ဟု မြန်မာနိုင်ငံဘောလုံးအဖွဲ့ချုပ် နည်းစနစ်ဒါရိုက်တာ ဦးတင်မြင့်အောင်ကပြောသည်။
မြန်မာ့လက်ရွေးစင်အသင်းအနေဖြင့် ဆူဇူကီးဖလားအကြိုပြင်ဆင်မှုအဖြစ် ၂၀၁၆ ဇန်န၀ါရီလအတွင်း စင်ကာပူနိုင်ငံတွင်ကျင်းပမည့် မာလိုင်းယင်းဖလားပြိုင်ပွဲကိုလည်း ၀င်ရောက်ယှဉ်ပြိုင်မည်ဖြစ်သည်။
မဇ္ဈိမ မာလ်တီမီဒီယာ by mizzima
Original link - http://mizzimaburmese.com/article/7737
| ဒီပို့စ်လေးကို သဘောကျရင် | လုပ်ပေးခဲ့နော်။ |
No comments:
Post a Comment