ဧရာဝတီ အသင်းနှင့် လက်တွဲခဲ့သည့် စထက်နိုင်ဝင်း
ဒီဇင်ဘာ ၂၄၊ ရန်ကုန်
လာမည့်နှစ် ဘောလုံး ရာသီတွင် မြန်မာ နေရှင်နယ်လိဂ်၊ ဗိုလ်ချုပ် အောင်ဆန်းဒိုင်း ရှုံးထွက် ပြိုင်ပွဲ၊ AFC Cup စသည့် ပြိုင်ပွဲ သုံးရပ် ၀င်ရောက် ယှဉ်ပြိုင်ရန် ပြင်ဆင်နေသော ဧရာဝတီ ယူနိုက်တက် အသင်းသည် မြန်မာ နေရှင်နယ်လိဂ်-၂ သို့ တန်းဆင်း ခဲ့ရသည့် မနောမြေ အသင်း တိုက်စစ်မှူး စထက်နိုင်ဝင်းကို တစ်နှစ် စာချုပ်ဖြင့် ခေါ်ယူခဲ့သည်။
ဧရာဝတီ အသင်းသည် ၂၀၁၆ ဘောလုံး ရာသီ အပြောင်း အရွှေ့ဈေးကွက် အတွင်း အသင်းမှ လက်ရွေးစင် ကစားသမားများ ဖြစ်သော ကျော်မင်းဦး၊ နေလင်းထွန်း၊ ဟိန်းသီဟဇော်၊ ထိုက်ထိုက်အောင် စသည့် ကစားသမား များကို ဆုံးရှုံး ခဲ့ရပြီး ယင်းကစားသမားများ နေရာ အစားထိုးရန် အတွက် ပြည်တွင်း ကစားသမား များကို ပြန်လည် ခေါ်ယူအားဖြည့် နေသည်။
မြန်မာ့လက်ရွေးစင် တိုက်စစ်မှူးဟောင်း စထက်နိုင်ဝင်းမှာ ကမ္ဘောဇ၊ နေပြည်တော်၊ မနောမြေ စသည့် အသင်းများတွင် ကစားခဲ့ဖူးသော ၀ါရင့် ကစားသမား တစ်ဦး ဖြစ်သည်။
ဧရာဝတီ အသင်းသည် လာမည့်နှစ် ဘောလုံးရာသီ အတွက် ခေါ်ယူ အားဖြည့်ရန် ကမ္ဘောဇ အသင်းနှင့် လမ်းခွဲခဲ့သော လက်ရွေးစင်ဟောင်း ကျော်ဇေယျာဝင်းကိုလည်း ခြေစွမ်း စမ်းသပ် နေသည်။
မဇ္ဈိမသတင်း by mizzima
Originally published at - http://mizzimaburmese.com/article/8947
No comments:
Post a Comment