ယူရိုပါလိဂ်မှ လှည့်ပြန် ခဲ့ရသည့် မန်ယူနှင့် စပါး (ရုပ်သံဟိုက်လိုက်)

မတ် ၁၈ ရက်က ကစားသွားတဲ့ ယူရိုပါလိဂ်ပွဲစဉ်တွေမှာတော့ အင်္ဂလန် ပရီးမီးယားလိဂ်က မန်ချက်စတာ ယူနိုက်တက် အသင်းနဲ့ စပါးအသင်း တို့ဟာ ကွာတား ဖိုင်နယ် မတက်နိုင် aတာ့ဘဲ ပြိုင်ပွဲ ကနေ ထွက်ခွာ သွားရပါတယ်။

မန်ယူအသင်းက အိမ်ကွင်းမှာ လီဗာပူး အသင်းနဲ့ ကစားရတာဖြစ်ပြီး ၁ ဂိုးစီ သရေကျခဲ့လို့ ၂ ပွဲပေါင်း ရလဒ် ၃ ဂိုး ၁ ဂိုးနဲ့ ပြိုင်ပွဲကနေ ထွက်ခဲ့ ရတာပါ။

ပထမပိုင်း ၃၂ မိနစ်မှာ မာတာရဲ့ ပင်နယ်တီနဲ့ မန်ယူတို့ ဦးဆောင်ခဲ့ပေမယ့် ပထမပိုင်း ၄၅ မိနစ်မှာ လီဗာပူးက ကော်တီဟို ချေပဂိုးသွင်းယူခဲ့လို့ ပထမပိုင်းမှာ ဂိုးမရှိ သရေကျခဲ့ပါတယ်။

ဒုတိယပိုင်းမှာတော့ တဘက်နဲ့တဘက် ဂိုးမသွင်းနိုင်ခဲ့တဲ့အတွက် ၂ ပွဲပေါင်းရလဒ် ၃ ဂိုး ၁ ဂိုးနဲ့ လီဗာပူးက ယူရိုပါလိဂ် ကွာတားဖိုင်နယ်ကို တက်ရောက်သွားပြီ ဖြစ်ပါတယ်။

ဒီပွဲမှာ ၂ ဘက် ပရိသတ်တွေ ရုန်းရင်းဆန်ခတ် ဖြစ်ပွားခဲ့တဲ့အတွက် ဥရောပဘောလုံးအဖွဲ့ချုပ်ရဲ့ အပြစ်ပေးတာကို ခံရနိုင်ပါတယ်။



ယူရိုပါလိဂ် နောက်ပွဲစဉ်ဖြစ်တဲ့ စပါးနဲ့ ဂျာမနီဘွန်ဒစ်လီဂါကလပ် ဒေါ့မွန်တို့ပွဲမှာတော့ ဒေါ့မွန်က ၂ ဂိုး ၁ ဂိုးနဲ့ အနိုင်ရလို့ ၂ ပွဲပေါင်း ရလဒ် ၅ ဂိုး ၁ ဂိုးနဲ့ နောက်တဆင့်ကို တက်ရောက်သွားပါတယ်။

အော်ဘာမီယန်းက ဒေါ့မွန်အတွက် ပထမပိုင်း ၂၄ မိနစ်နဲ့ ဒုတိယပိုင်း မိနစ် ၇၀ မှာ ၂ ဂိုး သွင်းယူပေးခဲ့ပါတယ်။

စပါးကတော့ ဒုတိယပိုင်း ၇၃ မိနစ်မှ ချေပဂိုး ၁ ဂိုး ပြန်သွင်းယူခဲ့ပါတယ်။

ဘောလုံးပိုင်ဆိုင်မှုကတော့ စပါးအသင်း အသာစီးရခဲ့ပေမယ့်လည်း ရှုံးနိမ့်သွားတာ ဖြစ်ပါတယ်။

စပါးနဲ့ မန်ယူတို့ ယူရိုပါလိဂ်ကနေ ထွက်ခဲ့ရတဲ့အတွက် အင်္ဂလန် ပရီးမီးယားလိဂ်က အသင်းတွေထဲမှာ လီဗာပူးတသင်းပဲ ယူရိုပါလိဂ် ကွာတားဖိုင်နယ် တက်ရောက်သွားနိုင်ခဲ့တာ ဖြစ်ပါတယ်။



by ဒီဗွီဘီ

Originally published at - http://burmese.dvb.no/archives/139974