ဘာလင်၊ မတ် ၃
ဘာစီလိုနာ တိုက်စစ်မှူး မက်ဆီသည် 2016 Laureus တစ်နှစ်တာ ကမ္ဘာ့ အကောင်းဆုံး အမျိုးသား အားကစား သမားဆု ဆန်ခါတင် စာရင်းတွင် အားကစား အကျော် အမော် ငါးဦးနှင့် အတူ aရွးချယ်ခံ ခဲ့ရသည်။
၂၀၁၅ ကမ္ဘာ့ အကောင်ဆုံး ဘောလုံး သမားဆုကို ရရှိခဲ့သည့် မက်ဆီသည် အပြေး ချန်ပီယံ အူဆီယန်ဘော့၊ တင်းနစ် အကျော်အမော် ဂျိုကိုဗစ်၊ ဖော်မြူလာဝမ်း ပြိုင်ကား မောင်းသမား လူးဝစ္စဟာ မီလ်တန်၊ အမေရိကန် ဂေါက်သီးသမား ဂျော်ဒန်စပိ၊ အန်ဘီအေ ဘက်စကတ်ဘော သမား စတီဖန် ကယ်ရီတို့နှင့် အတူ ဆန်ခါတင် ရွေးချယ် ခံရခြင်း ဖြစ်သည်။
ပြီးခဲ့သည့်နှစ်က ဂရင်းစလင်း ချန်ပီယံဆု သုံးဆု ရခဲ့သည့် ဆားဘီးယား တင်းနစ်သမား ဂျိုကိုဗစ်သည် ထိုဆုကို ၂၀၁၅ ခုနှစ်က ရရှိ ထားသူ ဖြစ်သည်။
Laureus World Sports Awards တွင် ဆုအမျိုး အစား ၇ ခု ရှိပြီး တစ်နှစ်တာ အမျိုးသမီး အကောင်းဆုံး အားကစားသမား ဆန်ခါတင် စာရင်းတွင် အမေရိကန် ဘောလုံးမယ် ကာလီလွိုက်ဒ် ပါဝင် ခဲ့သည်။
ဘာစီလိုနာ ကလပ် အသင်းနှင့် အမေရိကန် အမျိုးသမီးဘောလုံး အသင်းတို့မှာ တစ်နှစ်တာ အကောင်းဆုံး အသင်းဆု ဆန်ခါတင် စာရင်းတွင် ပါဝင်ခဲ့ပြီး ကိုပါ အမေရိက ချန်ပီယံ ချီလီအသင်းမှာ တစ်နှစ်တာ အတိုးတက်ဆုံး ဆန်ခါတင် စာရင်းတွင် ပါဝင်ခဲ့ ကြသည်။
2016 Laureus World Sports Awards ဆုပေးပွဲ အခမ်းအနားကို ဂျာမနီနိုင်ငံ ဘာလင်မြို့တွင် ကျင်းပမည် ဖြစ်သည်။
Ref: laureus.com
မဇ္ဈိမသတင်း by mizzima
Originally published at - http://mizzimaburmese.com/article/11897
No comments:
Post a Comment