ဇေယျာရွှေမြေ တောင်ပံသမား ရန်နိုင်ဦး (ဓာတ်ပုံ - ရွှေဘုတ်)
ဧပြီ ၈ ၊ ရန်ကုန်
မြန်မာ နေရှင်နယ်လိဂ် ကလပ် ဇေယျာရွှေမြေ အသင်းသည် အသင်း၏ အဓိက တောင်ပံ ကစားသမား တစ်ဦးဖြစ်သည့် ရန်နိုင်ဦး အား အသင်းမှ ပြောင်းရွေ့ ခွင့်ပြု လိုက်ပြီဟု ဇေယျာရွှေမြေ အသင်းမီဒီယာတာဝန်ခံ ကိုကျော်ကျော်မိုးက ပြောသည်။
အသက် ၂၀ အရွယ်ရှိ ရန်နိုင်ဦးသည် ဇေယျာရွှေမြေလူငယ်အသင်းမှ ပေါ်ထွက်လာသည့် ကစားသမားတစ်ဦးဖြစ်ပြီး နယူးဇီလန် ယူ-၂၀ ကမ္ဘာ့ဖလားပြိုင်ပွဲတွင် မြန်မာ ယူ-၂၀ အသင်းအတွက် ပထမဆုံးအဖွင့်ဂိုးသွင်းယူပေးနိုင်ခဲ့သည်။
၎င်းသည် မြန်မာ့ ယူ-၂၀ အသင်းတွင် ၁၀ ပွဲ ပွဲထွက်ကစားခွင့်ရခဲ့ပြီး တစ်ဂိုးသွင်းယူပေးနိုင်ခဲ့ကာ လက်ရှိတွင်လည်း မြန်မာ့လက်ရွေးစင်အသင်းကြီး၌ ရွေးချယ်ခံထားရသည့် ကစားသမားတစ်ဦးဖြစ်သည်။
“ ရန်နိုင်ဦးကို အသင်းက ပြောင်းခွင့်ပေးလိုက်ပါပြီ။ ကစားသမားကိုယ်တိုင်က ပြောင်းချင်တဲ့အတွက် အသင်းက ခွင့်ပြုလိုက်တာပါ။ သူ့နေရာအတွက် အခြားကစားသမားတွေ ထပ်ဖြည့်သွားမှာပါ။
ပထမအကျော့မှာ ရလဒ်မကောင်းတာတော့ ဒုတိယအကျော့မှာ အသင်းက ပိုရုန်းကန်ရပါမယ်။ အဲ့အတွက် နိုင်ငံခြားသားကစားသမားသစ်တစ်ဦးကိုလည်း ထပ်ခေါ်ယူဖို့ရှိပါတယ်။
ဥရောပက ဖြစ်ဖို့များပါတယ်။ ပြည်တွင်းကစားသမားတွေလည်း အားလုံးပေါင်း ၄ ယောက်လောက် ထပ်ဖြည့်ဖို့တော့ စီစဉ်နေပါတယ် ” ဟု ကိုကျော်ကျော်မိုးက ပြောသည်။
ဇေယျာရွှေမြေအသင်းသည် လာမည့် အပြောင်းအရွေ့ရာသီတွင် ကစားသမားပြောင်းလဲမှုများ ပြုလုပ်ရန် ရည်ရွယ်ထားပြီး နိုင်ငံခြားသားကစားသမားသစ် တစ်ဦး အပါ အ၀င် ပြည်တွင်း ကစားသမား လေးဦး စုစုပေါင်း ငါးဦးခန့် ထပ်မံဖြည့်တင်းရန် စီစဉ်ထားသည်။
ဇေယျာရွှေမြေအသင်းသည်။ ၂၀၁၆ မြန်မာနေရှင်နယ်လိဂ် ပထမအကျော့ပွဲစဉ်များပြီးဆုံးချိန်တွင် သုံးပွဲနိုင် လေးပွဲသရေ လေးပွဲရှုံးရလဒ်ဖြင့် ရမှတ် ၁၃ မှတ်သာ ရရှိထားပြီး အမှတ်ပေးဇယား အဆင့် ၈ နေရာတွင် ရပ်တည်လျက်ရှိသည်။
မဇ္ဈိမသတင်း by ရွှေဘုတ်
Originally published at - http://mizzimaburmese.com/article/13274
No comments:
Post a Comment