ဧပြီ ၂၆၊ လက်စတာ
ဝက်စ်ဟမ်းအသင်းနှင့် ၂-၂ ဂိုးဖြင့် သရေကျ ခဲ့သည့် ပွဲတွင် ကွင်းလယ် ဒိုင်ကို အော်ဟစ် ပြောဆို ခဲ့သည့် အပြုအမှု အတွက် ပရီးမီးယားလိဂ် စည်းကမ်း ထိန်းသိမ်းရေး ကော်မတီက လက်စတာ တိုက်စစ်မှူး ဂျေမီဗာဒီကို တစ်ပွဲပယ် ပြစ်ဒဏ် ထပ်တိုးချ မှတ်လိုက်သည်။
ထို့ကြောင့် ဗာဒီသည် လာမည့်တနင်္ဂနွေနေ့တွင် အိုးထရက်ဖို့ဒ်ကွင်း၌ မန်ယူကိုသွားရောက်ရင်ဆိုင်ရမည့်ပွဲကို လွဲချော်ရဦးမည် ဖြစ်သည်။
ဝက်စ်ဟမ်းနှင့်ပွဲစဉ်တွင် ဗာဒီသည် ဟန်ဆောင်လှဲချခဲ့သည့်အတွက် နှစ်ဝါ၊ တစ်နီဖြင့် ထုတ်ပယ်ခံရပြီးနောက် ကွင်းလယ်ဒိုင်လူကြီး ဂျွန်မို့စ်ကို ဒေါသ တကြီးအော်ဟစ်ပြောဆို ခဲ့ခြင်း ဖြစ်သည်။
ဗာဒီသည် ထိုအပြုအမှုအတွက် တစ်ပွဲပယ်ပြစ်ဒဏ်ကျခံခဲ့ရပြီး ဆွမ်ဆီးနှင့်ပွဲကို လွဲချော်ခဲ့ရပြီး ဖြစ်သည်။ သို့သော် ထိုပြစ်ဒဏ်အပြင် ယခု ဗာဒီသည် နောက်ထပ်တစ်ပွဲပယ်ပြစ်ဒဏ်နှင့် ဒဏ်ငွေ ပေါင် တစ်သောင်း ဒဏ်ရိုက်ခံခဲ့ရသည်။
ဗာဒီပွဲပယ်ခံထားရသော်လည်း လက်စတာအသင်းမှာ ပွဲစဉ် ၃၅တွင် ဆွမ်ဆီးအသင်းကို ၄-၀ ဂိုးဖြင့် နိုင်ခဲ့ပြီး စပါးမှာ ၀က်စ်ဘရွန်းကို ၁-၁ သရေကျခဲ့သည့်အတွက် လက်စတာအသင်းမှာ ပရီးမီးယားလိဂ်ချန်ပီယံဖြစ်ရန် အလွန်နီးစပ်သွားပြီ ဖြစ်သည်။
ဗာဒီသည် ယခုနှစ်ရာသီတွင် လက်စတာအသင်းအတွက် ပရီးမီးယားလိဂ်သွင်းဂိုး ၂၂ ဂိုးအထိသွင်းယူပေးထားသူ ဖြစ်သည်။
ရည်ညွှန်း ဘီဘီစီ
မဇ္ဈိမသတင်း by - အောင်ငြိမ်းသွေး
Originally published at - http://mizzimaburmese.com/article/13552
No comments:
Post a Comment