MIC ဖူဆယ်ကလပ် အသင်း ယခုနှစ် မြန်မာ နေရှင်နယ် ဖူဆယ်လိဂ် ပြိုင်ပွဲတွင် ယှဉ်ပြိုင် ကစားနေစဉ် (ဓာတ်ပုံ - ရွှေဘုတ်)
ဧပြီ ၇ ၊ ရန်ကုန်
မြန်မာနေရှင်နယ် ဖူဆယ်လိဂ် ပြိုင်ပွဲတွင် ချန်ပီယံ ဖြစ်ရန် ရေပန်း စားနေသည့် MIC ကလပ် အသင်းသည် လိဂ်ပွဲစဉ်များ အပြီးတွင် ထိုင်းနိုင်ငံသို့ သွားရောက် လေ့ကျင့်ခွင့် ရရန် စီစဉ် ထားသည် ဟု MIC အသင်းနည်းပြ ဦးသန်းဝဏ္ဏအောင်က ပြောသည်။
MIC ကလပ်အသင်းသည် ယခုနှစ် ၂၀၁၆ မြန်မာနေရှင်နယ် ဖူဆယ်လိဂ်ပြိုင်ပွဲတွင် ပထမအကျော့ပွဲစဉ် ခုနစ်ပွဲကစားပြီးချိန်၌ ခုနစ်ပွဲလုံးအနိုင်ရကာ ရမှတ် ၂၁ မှတ်ဖြင့် အမှတ်ပေးဇယားထိပ်ဆုံးတွင်ရပ်တည်ကာ ရာသီဝက်ချန်ပီယံဖြစ်လာခဲ့သည်။
“ ကျွန်တော်တို့ ဒီနှစ်ချန်ပီယံဆုရဖို့ ယုံကြည်ပါတယ်။ အဲ့အတွက်လည်း အသင်းကို အကောင်းဆုံးပြင်ဆင်ထားပါတယ်။ လာမယ့်ရာသီဝက်မှာလည်း အကောင်းဆုံး ကြိုးစား သွားမှာပါ။
တကယ်လို့ ချန်ပီယံဖြစ်ပြီး အာဆီယံဖူဆယ်လိဂ်ပြိုင်ပွဲဝင်ခွင့်ရမယ်ဆိုရင် ကျွန်တော်တို့ လူအင်အားထပ်ဖြည့်ဖို့ ရှိပါတယ်။ ထိုင်းက ကလပ်အသင်းတွေနဲ့ ခြေစမ်းဖို့လည်း စီစဉ်သွားမှာပါ။
တကယ်လို့သာ အချိန်ရမယ်ဆိုရင် ထိုင်းနိုင်ငံကို သွားပြီး ဖူဆယ်ကလပ်အသင်းတွေနဲ့ ပူးပေါင်းလေ့ကျင့်တာမျိုး ခြေစမ်းပွဲကစားမှာမျိုး ပြုလုပ်သွားဖို့လည်း ရှိပါတယ် ” ဟု ဦးသန်းဝဏ္ဏအောင်က ပြောသည်။
MIC ဖူဆယ်ကလပ်အသင်းသည် မြန်မာနိုင်ငံဘောလုံးအဖွဲ့ချုပ်မှ ကြီးမှူးကျင်းပသည့် ၂၀၁၄ MFF ဖူဆယ်လိဂ်ပြိုင်ပွဲ၊ ၂၀၁၄ အော်ရီဒူးဖူဆယ်ဖလားပြိုင်ပွဲ၊ ၂၀၁၅ ဧရာဝတီဘဏ် အလွတ်တန်း ဖူဆယ် ဖလားပြိုင်ပွဲ တို့တွင် ချန်ပီယံဆုများ ဗိုလ်စွဲ ထားနိုင်ခဲ့သည်။
ထို့ပြင် ၂၀၁၅ အာဆီယံဖူဆယ်ကလပ်ချန်ပီယံရှစ်ပြိုင်ပွဲတွင်လည်း အသန့်ရှင်းဆုံးဆုနှင့် ကြေးတံဆိပ်ဆု တို့ကို ရရှိထားသည့် ဖူဆယ်ကလပ်အသင်းတစ်သင်းဖြစ်သည်။
မဇ္ဈိမသတင်း by - ရွှေဘုတ်
Originally published at - http://mizzimaburmese.com/article/13236
No comments:
Post a Comment