မေ ၈၊ မန်ချက်စတာ
ဘယ်လ်ဂျီယံနှင့် မန်စီးတီး အသင်း ခေါင်းဆောင် ကွန်ပနီသည် ယူရို ၂၀၁၆ ပြိုင်ပွဲကို ပေါင်ခြံ ဒဏ်ရာကြောင့် လွဲမည်ဟု ကစားသမား၏ facebook တွင် ရေးထားသည်။
အသက် ၃၀ အရွယ် ရှိ နောက်ခံ လူသည် ပြီးခဲ့သည့် ဗုဒ္ဓဟူးနေ့က ရီးယဲလ်နှင့် ကစားခဲ့သော ချန်ပီယံလိဂ် ဆီမီးဒု - ကျော့တွင် ပွဲချိန် ၁၀ မိနစ်သာ ကစားပြီး ဒဏ်ရာ ရခဲ့၍ လူစားလဲ ခံခဲ့ရသည်။
ကွန်ပနီသည် လက်ရှိ ရာသီတွင် ဒဏ်ရာ ငါးမျိုး ရခဲ့ပြီး ပွဲစဉ် စုစုပေါင်း ၅၇ ပွဲတွင် ၂၂ ပွဲသာကစားနိုင် ခဲ့သည်။ လွန်စွာ ဝမ်းနည်းဖွယ် ကောင်းသော် လည်း အရှုံးပေးမည် မဟုတ်ဟု ကွန်ပနီက ပြောသည်။
"လာမည့် ပြင်သစ် ဥရောပ ဖလားပြိုင်ပွဲမှာ ဂုဏ်ယူနိုင်ဖို့ ကျွန်တော့် သူငယ်ချင်းတွေနဲ့ အသင်းဖော်တွေကောင်းကောင်းလုပ်နိုင်မယ်လို့ ယုံပါတယ်။ အခုတော့ ကျွန်တော် ပွဲကြည့် ပရိသတ် တစ်ယောက်ဖြစ် သွားပါပြီ။ သူတို့ကိုအားပေးဖို့ အဲဒီပြိုင်ပွဲကို သွားမှာပါ"ဟု ကွန်ပနီက ရေးထားသည်။
ဘယ်လ်ဂျီယံအသင်းသည် ယူရိုပြိုင်ပွဲတွင် အီတလီ၊ ဆွီဒင်၊ အိုင်ယာလန်တို့နှင့် တစ်အုပ်စုတည်းကျနေသည်။ ချယ်လ်ဆီးမှ ဟက်ဇက်သည် ဘယ်လ်ဂျီယံ အသင်း၏ ဒုတိယ အသင်း ခေါင်းဆောင်ဖြစ်ပြီး ကွန်ပနီမပါနိုင်သည့် နောက်ဆုံးပွဲတွင် အသင်းကို ဦးဆောင်ကစားခဲ့သည်။
Ref; BBC
မဇ္ဈိမသတင်း by - ဝေဘုန်းလူ
Originally published at - http://mizzimaburmese.com/article/13966
No comments:
Post a Comment