မေ ၁၄၊ ရန်ကုန်
၂၀၁၅-၁၆ ဘောလုံး ရာသီ ပရီးမီးယား လိဂ်ချန်ပီယံ လက်စတာ စီးတီး အသင်းသည် မြန်မာနိုင်ငံသို့ လာရောက်ရန် စီစဉ် နေကြောင်း သိရသည်။
လက်စတာ စီးတီး အသင်းမှာ ၂၀၁၄ ဘောလုံး ရာသီက ပရီးမီးယားလိဂ်သို့ တန်းတက် လာပြီးနောက် နှစ်နှစ် အတွင်းပရီးမီး ယားလိဂ် ချန်ပီယံ ဖြစ်လာခြင်း ဖြစ်သည်။
လက်စတာစီးတီး အသင်းကို ထိုင်း ခရီးသွား လုပ်ငန်း ကုမ္မဏီ ကင်းပါဝါက ပိုင်ဆိုင်ပြီး မေလ ၁၉နှင့် ၁၈ ရက်များတွင် ထိုင်းနိုင်ငံ သို့လာ ရောက်မည် ဖြစ်ကာ ယင်းမှ တစ်ဆင့် ရွှေတိဂုံ ဘုရားကို လာရောက် ဖူးမျှော်ရန် အတွက် ရန်ကုန် မြို့သို့ လာရောက်ရန် စီစဉ် ထားခြင်း ဖြစ်သည်။
လက်စတာ စီးတီး အသင်းမြန်မာနိုင်ငံ လာရောက် မည့် အခြေ အနေနှင့် ပတ်သက်ပြီး ထိုင်းနိုင်ငံ ပါကစ် ကြော်ငြာ ကုမ္မဏီ မန်နေဂျာ ဦးချမ်းမြေ့ ကိုကိုလွင်က “မေလ ၂၂ရက် နေ့လည် ပိုင်းကို ထိုင်းနိုင်ငံ ကနေ မြန်မာနိုင်ငံကို လာမှာပါ။
ရွှေတိဂုံဘုရားကို သွားရောက် ဖူးမျှော်မယ် ဆိုတာက လွဲပြီး အသေးစိတ် မသိရသေးပါဘူး။ သတင်းအသေး စိတ်ကို ထုတ်ပြန်ပေး ပါမယ်။”ဟု ပြောသည်။
လက်စတာအသင်းမြန်မာနိုင်ငံသို့လာရောက် ဖြစ်ပါက မြန်မာနိုင်ငံသို့လာရောက်သည့် ပထမဆုံး ပရီးမီးယားလိဂ်အသင်းဖြစ်လာမည်ဖြစ်သည်။
လက်စတာအသင်းမတိုင်ခင်က မြန်မာနိုင်ငံကို ပရီးမီးယားလိဂ်ကလပ် မန်ယူကစားသမားဟောင်း များဖြစ်သော အင်ဒီကိုးလ်၊ ဒင်းနစ် အာဝင်တို့လာ ရောက် ခဲ့ဖူးသည်။
ပရီးမီးယားလိဂ်ချန်ပီယံ လက်စတာ အသင်းမှာ မြန်မာနိုင်ငံတွင်ခြေစမ်းပွဲကစားမည် မဟုတ်ပဲ ရွှေတိဂုံဘုရားကိုသာလာရောက်မည် ဖြစ်ကာ ထိုင်းနိုင်ငံသို့ ပြန်လည် ထွက်ခွာမည် ဖြစ်သည်။
လက်စတာအသင်းပိုင်ရှင် ထိုင်းလူမျိုး ဗီချိုင်း၏စီစဉ်မှုဖြင့်လက်စတာအ သင်း ထိုင်းနှင့်မြန်မာနိုင်ငံသို့လာရောက်ခြင်း ဖြစ်ကာ ယင်းနိုင်ငံများမှလက်စတာဖန်ကလပ် များနှင့် လည်းတွေ့ဆုံမှုပြုလုပ်မည်ဖြစ်သည်။
မဇ္ဈိမသတင်း by - ရဲရင့်ဋ္ဌေး
Originally published at - http://mizzimaburmese.com/article/14188
No comments:
Post a Comment