 |
| သုဝဏ္ဏကွင်း၌ MNL All Star အသင်းနှင့် မြန်မာ့ လက်ရွေးစင် အသင်းတို့ လေ့ကျင့်နေစဉ် (ဓာတ်ပုံ - ရွှေဘုတ် / Mizzima) |
“ ပွဲအားလုံး အတွက် အဓိကထား ပြင်ဆင် နေပါတယ်။ ဒါပေမယ့် အနီးဆုံး ပွဲဖြစ်တဲ့ နိုင်ငံခြားသား အသင်းနဲ့ ကန်မယ့် ပွဲနဲ့ မလေးရှား အသင်းတို့နဲ့ ပွဲတွေ အတွက်တော့ နည်းနည်း အာရုံစိုက် ထားတယ်။ ဘယ်ပွဲက အရေးကြီးဆုံးလဲ ဆိုတော့ ပွဲအားလုံးက အရေးကြီး ပါတယ်။ ”
မြန်မာ့လက်ရွေးစင်အသင်းနည်းပြချုပ် ဂတ်ဇီဆီဖရိုင်းဒရစ်
“ ဒီကစားသမားတွေက မြန်မာနေရှင်နယ်လိဂ်ရဲ့ အကောင်းဆုံး နိုင်ငံခြားသားကစားသမားတွေလို့ ပြောလို့ရပါတယ်။ လေ့ကျင့်ချိန် အရမ်းမရပေမယ့် အကောင်းဆုံးပြင်ဆင်ထားပါတယ်။ မနက်ဖြန်ပွဲမှာ အကောင်းဆုံးကစားဖို့လည်း ကစားသမားတွေကို မှာထားပါတယ် ”
မြန်မာနေရှင်နယ်လိဂ် အောစတားအသင်းနည်းပြ ဦးမျိုးလှိုင်ဝင်း
ဆူဇူကီးဖလားပြိုင်ပွဲအတွက် ပြင်ဆင်မှုများပြုလုပ်နေသည့် မြန်မာ့လက်ရွေးစင်အသင်းအနေဖြင့် ပြိုင်ပွဲအကြိုပြင်ဆင်မှုအဖြစ် မြန်မာနေရှင်နယ်လိဂ်မှ နိုင်ငံခြားသားကစားသမားများဖြင့် ဖွဲ့စည်းထားသည့် MNL All Star အသင်းနှင့် မေလ ၁ ရက် (မနက်ဖြန်) ညနေ ၅ နာရီတွင် သုဝဏ္ဏကွင်း၌ ခြေစမ်းကစားမည် ဖြစ်ပြီး ယင်းပွဲကို ပရိသတ်များ အခမဲ့ ၀င်ရောက်ကြည့်ရှူခွင့် ရရှိမည် ဖြစ်သည်။
မဇ္ဈိမသတင်း by - ရွှေဘုတ်
Originally published at - http://mizzimaburmese.com/article/13711
No comments:
Post a Comment